علامات

مصر أولا هى قناعتي وديانتي ومرابض حبي الأول وعشقي الأبدي  ،
مصر التراب ، والأهل ، والفلاح ، والعامل ، والإنسان البسيط الشريف ، مصر بكل أطيافها المحبين لها قولا وعملا ،
كل عام وانتم بخير ..
                        ~~~~~~~~~~~~~
::  علامات   ::

      "" شرارة
يوم ماجيتلي بدين سراب
ضاعت الرحمة  ف وادينا

      "" جسارة
لو خدت شرعك م الكتاب
  أو  دليل  سنة  نبينا

      "" خسارة
لو مشيت مشي الكلاب
 وابتغيت  ألغي  فينا

      "" أمارة
مصر وبرغم الصعاب
حضن دافي ليك ولينا

      "" مرارة
لو نسيت سنين عذاب
ودمنا على رمل سينا

      "" حقارة
إنك تخون عهد الصحاب
وتملى قلبك  بالضغينة

      "" نطاعة
إن دينك دين حساب
مين هيدفع يشترينا

      "" وضاعة
إنك تبيع ذرة تراب
لنطع بره  بيعادينا

      "" وقاحة
 إنك  تصمم  ع  الخراب
وم الخراب الله  يعافينا

      "" صراحة
مصر مذكورة ب كتاب
وعين  إلهك  بتراعينا

      "" شفاعة
يارب وف يوم الحساب
مصر تبقى شفاعة لينا
                               ~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية