.... ( رساله الى موجوع ) ....
......................................
بعد السلامات
على أهل الغربه
اللى ليلاتى
في الحزن تبات
إزاي الصحه
وإزاي الحال
كيفك في الغربه ياخال
لسه حبال الصبر طويله
لساك متعشم في العيله
لساك بتنادي الواد والبت
والله ياخال فكرتك شيبت
فكرتك مليت
ومليت القلب هموم وتعبت
إسمعني ياخال
ببعتلك من جوا
أنين القلب عتاب
وكلام مصحوب بدموع في جواب
هاوصفلك فيه الأحوال
أنا شايف بعيوني الحال
والحال أهو مال
بقى زي الزفت
إحنا وصلنا زمان النت
والواد اتجوز بت
حتة بت
ولا أجمل بت بتظهر في التصاوير
بتحب الشيبسي ابو حجم كبير
وانت ياخال
شغال في الغربه أجير
مالهاش في عمار البيت
ولاتعرف شغل الغيط
خلته يتنطط تنطيط
أحيانا يمشي على الحيط
ويقول لها خل / تقوله دا زيت
فازاي هايفكر يسأل مره عليك
أو يبعت حتى سلامه عيديه
والبت ياخال / البت ياخال
معادتش بتمشي على النيه
ولاتعرف معنى الحنيه
شالت قلب البنوته
والشهد اللى محلي التوته
واهى باعت قلبها ع النوته
وبتسأل
راح تبعت كام
وبكام السنه /وبكام الفرض
حوشت فلوس المطبخ
وشاشات العرض
علشان نسأل مره عليك
ونقولك وحشانا عينيك
والست ياخال /الست ياخال
الست مع سنين الغربه
شايفها زوال
ولا مره بتسأل عن حالك
عيان / أو طيبت
ولاعاد يعنيها
إن جيت / أو غيبت
فإياك تتعشم خير من ناس
شافت بعينها قناة التت
ومات إحساس الروح جواها
ف زمان النت
ومات إحساس الروح جواها
في زمان النت
....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
......................................
بعد السلامات
على أهل الغربه
اللى ليلاتى
في الحزن تبات
إزاي الصحه
وإزاي الحال
كيفك في الغربه ياخال
لسه حبال الصبر طويله
لساك متعشم في العيله
لساك بتنادي الواد والبت
والله ياخال فكرتك شيبت
فكرتك مليت
ومليت القلب هموم وتعبت
إسمعني ياخال
ببعتلك من جوا
أنين القلب عتاب
وكلام مصحوب بدموع في جواب
هاوصفلك فيه الأحوال
أنا شايف بعيوني الحال
والحال أهو مال
بقى زي الزفت
إحنا وصلنا زمان النت
والواد اتجوز بت
ولا أجمل بت بتظهر في التصاوير
بتحب الشيبسي ابو حجم كبير
وانت ياخال
شغال في الغربه أجير
مالهاش في عمار البيت
ولاتعرف شغل الغيط
خلته يتنطط تنطيط
أحيانا يمشي على الحيط
ويقول لها خل / تقوله دا زيت
فازاي هايفكر يسأل مره عليك
أو يبعت حتى سلامه عيديه
والبت ياخال / البت ياخال
معادتش بتمشي على النيه
ولاتعرف معنى الحنيه
شالت قلب البنوته
والشهد اللى محلي التوته
واهى باعت قلبها ع النوته
وبتسأل
راح تبعت كام
وبكام السنه /وبكام الفرض
حوشت فلوس المطبخ
وشاشات العرض
علشان نسأل مره عليك
ونقولك وحشانا عينيك
والست ياخال /الست ياخال
الست مع سنين الغربه
شايفها زوال
ولا مره بتسأل عن حالك
عيان / أو طيبت
ولاعاد يعنيها
إن جيت / أو غيبت
فإياك تتعشم خير من ناس
شافت بعينها قناة التت
ومات إحساس الروح جواها
ف زمان النت
ومات إحساس الروح جواها
في زمان النت
....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
