إحنا فين

(  إحنا مين  )

كل واحد فينا بيحلم
وحلمه أكبر من حدوده
والخطاوي جوا خوف
متكتفة   ..
والأماني ع الرفوف
متستفة  ..
بارت وغطاها التراب
بس باقيه بالحنين ..
والسؤال ملهوش جواب
واحنا فين ..؟
إحنا واقفين جوا دايرة
دايرة بينا وروحنا حايرة
وبعذابنا مربوطين  ..
بس أكتر حاجة توجع
لو نوينا مرة نطلع
بتلاقينا بسرعة نرجع
مسجونين  ..
إرتضينا الضلمة يابا
ومبسوطين  ..
خايفين نطلع لبرة
وبره الدنيا غابة
وناس بقلوب ديابة
والغلابة مطحونين   ..
والغلابة مطحونين   ..
~~~~~~~~~~~~~
بقلمي   ..
معوض حلمي
منشأة بطاش
تمي الأمديد
دقهلية