حرمت اقول الآه

(  حرمت اقول الآه )

لو غاب علينا  الفرح
قطع    حبال    الود
ساق  دلاله   وسرح
فرد    قلوعه    ومد
هنقوله   إيه   يعني
الحزن  لو كان  جبل
هيجيلو   يوم   يتهد
والدنيا  حالها  عجب
على  روحنا  بتعدي
مادامتشي مرة لحد
ومهما   ليلنا   طال
بيجي   فجر    وراه
يفرد  نداه   ع الورد
ويغسل  كمان  خدي
وانا  للأسى   حمال
وقلبي  عمره  ماتاه
حافظ   بعيني   الود
والصبر   كان   حدي
عايش   كما  الرحال
لفيت     بلاد     الله
ولامرة  خنت  العهد
ماشي   ولا    بيدي
جيت يافرح  أو غيبت
بعد  اما  حالي  مال
حيلي    وراه    اتهد
ومالت سنين  عمري
وزاد  ف حزني آساه
قبل  الآوان   وكبرت
والشيب ملى شعري
 حط     فيا     وشال
حرمت   اقول    الآه
والموت  دفع  مهري
والموت  دفع  مهري ..
~~~~~~~~~~~~~
بقلمي  ..
معوض حلمي
منشأة بطاش
تمي الأمديد
دقهلية