مصر أولا .. بقلم الشاعر معوض حلمي

مصر أولا هى قناعتي وديانتي ومرابض عشقي الأبدي  ،
رسالة إلى كل من ينوي بها شرا  ..
                        ~~~~~~~~~~~~~
::  علامات   ::

"" شرارة
يوم ماجيتلي بدين سراب
ضاعت الرحمة  ف وادينا

"" جسارة
لو خدت شرعك م الكتاب
  أو  دليل  سنة  نبينا

"" خسارة
لو مشيت مشي الكلاب
 وابتغيت  ألغي  فينا

"" أمارة
مصر وبرغم الصعاب
حضن دافي ليك ولينا

"" مرارة
لو نسيت سنين عذاب
ودمنا على رمل سينا

"" حقارة
إنك تخون عهد الصحاب
وتملى قلبك  بالضغينة

"" نطاعة
إن دينك دين حساب
مين هيدفع يشترينا

"" وضاعة
إنك تبيع ذرة تراب
لنطع بره  بيعادينا

"" وقاحة
 إنك  تصمم  ع  الخراب
ومن الخراب الله يعافينا

"" صراحة
مصر مذكورة ب كتاب
وعين  إلهك  بتراعينا

"" شفاعة
يارب وف يوم الحساب
مصر تبقى شفاعة لينا
                               ~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية