( البنت )
البنت حته من السما
حنانها سارح بالوما
وهواها غيم
إياك تقولوا الليل
في وجودها عتم
أو جاي مضلم
كل الحكايه ان القمر
من سحرها أصبح رتوش
البنت ماشيه
ع الخدود وع الرموش
والعيون زي الورود
مابيجرحوش
وتجود بضحكة سنها
ولثغرها حنت وشوش
البنت دي زي الندى
راسمه المدى
أحلام كتييييير
البنت دي قلب بضمير
لو تبدر الود ف رحابه
تطرح سنابل الحب الوفير
البنت سارحه في الوريد
شايف عينيها من بعيد
نجوم بتضوي في السما
وهلال سعيد
البنت في البيت وليفه
زي نسمة صيف خفيغه
تشبه تراتيل الصلا
صوتها غناوي وجلجلا
زادت ورود الكون حلا
هاديه ولطيفه
البنت جايه م الخيال
فكت طلاسم السحر المحال
وانا قلبي عاشق قلبها
وقدي مال على قدها
وحروفي قال على سحرها
نظمت سيجال
البنت نازله من العيون
قلبت سكون الليل شجون
حارت قلوب العاشقين
ويا القمر مستنيين
سهرانين على دمعتين
دمعة أمل ودمعة جنون
البنت دي أجمل متاع
سحرتني بعنيها الوساع
نازله جدايل شعرها
وقلبي داب من حسنها
والصبح دافع مهرها
والليل شراع
البنت حد من الحدود
على عهدها دابت وعود
في الأرض جنة ربنا
نظمت قصايد حبنا
حرفين وعزفت لحننا
وترين وعود
حرفين وعزفت لحننا
وترين وعود
________________
بقلمي ........
معوض حلمي
منشأة بطاش
تمي الأمديد
دقهلية
البنت حته من السما
حنانها سارح بالوما
وهواها غيم
إياك تقولوا الليل
في وجودها عتم
أو جاي مضلم
كل الحكايه ان القمر
من سحرها أصبح رتوش
البنت ماشيه
ع الخدود وع الرموش
والعيون زي الورود
مابيجرحوش
وتجود بضحكة سنها
ولثغرها حنت وشوش
البنت دي زي الندى
راسمه المدى
أحلام كتييييير
البنت دي قلب بضمير
لو تبدر الود ف رحابه
تطرح سنابل الحب الوفير
البنت سارحه في الوريد
شايف عينيها من بعيد
نجوم بتضوي في السما
وهلال سعيد
البنت في البيت وليفه
زي نسمة صيف خفيغه
تشبه تراتيل الصلا
صوتها غناوي وجلجلا
زادت ورود الكون حلا
هاديه ولطيفه
البنت جايه م الخيال
فكت طلاسم السحر المحال
وانا قلبي عاشق قلبها
وقدي مال على قدها
وحروفي قال على سحرها
نظمت سيجال
البنت نازله من العيون
قلبت سكون الليل شجون
حارت قلوب العاشقين
ويا القمر مستنيين
سهرانين على دمعتين
دمعة أمل ودمعة جنون
البنت دي أجمل متاع
سحرتني بعنيها الوساع
نازله جدايل شعرها
وقلبي داب من حسنها
والصبح دافع مهرها
والليل شراع
البنت حد من الحدود
على عهدها دابت وعود
في الأرض جنة ربنا
نظمت قصايد حبنا
حرفين وعزفت لحننا
وترين وعود
حرفين وعزفت لحننا
وترين وعود
________________
بقلمي ........
معوض حلمي
منشأة بطاش
تمي الأمديد
دقهلية
