غاويه وعشقاني .. بقلمي .. معوض حلمي

::  غاويه وعشقاني  ::

~~~~~~~~~~~~
يامصر  أمرك عجب  ..
لو مرة قولتي الآه
حسيتي  يوم التعب ..
تلاقيني   قايد  نار  ..
أعيش  غريب الدار  ..
وامشيلك   الرحلة   ..
مشوار ورا مشوار  ..
لو   سكتك   صعبه  ..
الصعب يومها يهون ..
لو بتلاقيني  عيون  ..
في  نهاية  الرحله  ..
غاويه   وعشقاني  ..
وتروق بقى وتحلى  ..
ويجي نهر
الشوق   يوافي   ..
تهدي  ولاتخافي   ..
ف عيونك الحلوه
تحلي   أوصافي   ..
ويجي فجر
بنوره   دافي    ..
يصحى حلمك الغافي  ..
وترجعي أجمل صبيه  ..
تستحمي ف نور عينيا  ..
وتلبسي منديل ب أويه
وطرحتك   والجلابيه   ..
من جديد وتعيشي فيا  ..
تندهي الحال  ينصلح   ..
العرق  بالخير  طرح   ..
بساتين   فرح   ..
والقلوب ترجع  تتوب  ..
بالدموع تمحي الذنوب  ..
والإيدين الشقيانين
تتوضا   نورك   ..
حضنك أمان الغلبانين
مش  حد  غيرك   ..
واحنا دينك
أسود  عرينك   ..
فداكي روحنا تسلمي
ونعيش ف خيرك  ..
فداكي روحنا ..تسلمي .. ونعيش .. ف خيرك ..
________________
بقلمي.........
معوض حلمي
منشأة بطاش
تمي الأمديد
دقهلية