( صمتي بركان لو يثور (.. بقلمي .. معوض حلمي

{ صمتي بركان لو يثور }
_________________

ياللي جاي طمعان ف حبي
قلبي    قايد   نار     ونور
ياللي  جاي  تجرح ف قلبي
قلبي   ليك    طارح   زهور
 سيبني  أحلم  بيك  واخبي
حب      عاشق      للظهور
سيبني  عايش  حلم  وردي
وف  مداه   اسرح    وادور
سيب نداه يسرح  ف عمري
زي    ليل    مشتاق    لنور
لو   ناديت   هافرح   والبي
وازرعك     لحدودي    سور
هدي   حبه   وحس   وجدي
وجدي  شوق  يملى  البحور
لو تشوف ف عيوني صمتي
صمتي    بركان   لو   يثور
ياللي  جاي طمعان ف حبي
قلبي     قايد    نار    ونور
لو  نويت   تجرح   ف قلبي
قلبي   ليك   طارح    زهور

قلبي   ليك    طارح   زهور
________________
بقلمي .........
معوض حلمي
منشأة بطاش
تمي الأمديد
دقهلية