عزمك حضن يلم ويجمع .. بقلمي .. معوض حلمي

صباح الخير يا مصر
.................................
" عزمك حضن يلم ويجمع "
________________

مين اللي قال
ان النجوم ...
اللي
ف سماكي
دول نجوم ...
دول ملايكة
بيحروسوكي
م الهموم ...
لو تندهي
يامصري قوم ...
من الشقوق
تطلع أسود
وقت اللزوم ...
يالا يامصري
هم  وقوم
بالروح افديها ..
دا مفيش
شيء أبدا
يغلى عليها ...
خلي الندل
اللي بيكرهها
وواكل خيرها ...
زي السوسه
ساكنه
جسدها
بتنخر فيها  ...
يرحل عنها
ويرمي حمولها
ع اللي شاريها ...
دا اللي شاريها
أكيد يحميها
من التزييف ...
هو الأقوى
عشان على حق
هو عفيف ...
عمره ماباع
ف ترابها وخانها
عمره ما كان
في الأزمة
ضعيف   ...
عمره مافارق
بابها وسابها
هو الحارس
هو شريف  ...
يالا يامصري
إنت الطيب
إنت المجدع  ...
عزمك
يحمي بلادك
 واسمع   ...
عزمك يشبه
دانة مدفع   ...
عزمك حضن
يلم ويجمع   ...
عزمك درع
يصد ويمنع  ...
يمنع كل آيادي
الغدر
تهدم ف المدنه
وف المصنع  ...
عزمك ساقيه
تروي الأرض
عزمك  همه
تصون العرض ...
عزمك  همه
تصون العرض ...
________________
بقلمي .........
معوض حلمي
منشأة بطاش
تمي الأمديد
دقهلية