ياقلب جدو .. بقلمي .. معوض حلمي

(  ياقلب  جدو  )
______________

أنا قلبي عبى هيام وشوق
ونفسي ادوق شهدك وادوب
واعيش بقيت عمري ف رحابك
حتى السلام اللي ف عينيك
فارد ياروح الروح هيامك
واصل لجدو ياقلب جدو
وقلب جدو ف غربته

 ملهوف عليك
نفسي ياواد المس إيديك
وتهدي روحي بروح جنابك
حتى الحواس اللي ف كياني
 واخداني ليك
عشان اجيك مشتاق إليك
واشوف ياواد نظرة عينيك
واحرس عتابك

واشوف ياواد نظرة عينيك
واحرس عتابك
______________
بقلمي ........
معوض حلمي
منشأة بطاش
تمي الأمديد
دقهلية