( سيرة ابويا مخضره )
______________
مين اللي قال أبويا مات ..؟
وابويا عايش في الحاجات
لسه روحه عايشه فينا
سحابه بتضلل علينا
وصوته بيشق السكات
يومياتي اروح على سكه
حضنت خطوته وامشي الساعات
والعمر فات .. وابويا أصبح ذكريات
واحشني ابويا
مشتاقه روحي لطلته
مشتاق لحضنه ولهفته ولحظة لقاه
أبويا كان بيضحك تملى ع الحياه
ولا مره تعبت خطوته ولا عمره تاه
وعشان سلامة نيته أبويا طابت زرعته
فاكر عيدان الدره وقطف الشواشي
والأرض طارحه المغفره والنيل نجاشي
والنيه صابحه مخضره يلم الكيزان
عشان ماندي للجيران والخير يوافي
أبويا كان طيب قوي كالنبع صافي
كان زي نسمه حنينه ترمي العوافي
والسيره باقيه وسطنا طارحه السنابل
يادعوه نايمه ف قلبنا والرب قابل
تنزل علينا بالهنا نلم الحصاد
وازاي نكابر أو نغالط بالعناد
والبركة جند من السما والحب زاد
مين اللي قال ان السعاده شوال فلوس
غير السكارى والحدادي والمجوس
دول هاموش مابيفهاموش ولايعرفوش
إن السعاده قلب طيب يبتسم تضحك وشوش
والسعاده ف سيرة ابويا
وسيرة ابويا مخضره
ودعوه باقيه في النفوس
وسيرة ابويا مخضره
ودعوه باقيه في النفوس
______________
بقلمي ........
معوض حلمي
منشأة بطاش
تمي الأمديد
دقهلية
______________
مين اللي قال أبويا مات ..؟
وابويا عايش في الحاجات
لسه روحه عايشه فينا
سحابه بتضلل علينا
وصوته بيشق السكات
يومياتي اروح على سكه
حضنت خطوته وامشي الساعات
والعمر فات .. وابويا أصبح ذكريات
واحشني ابويا
مشتاقه روحي لطلته
مشتاق لحضنه ولهفته ولحظة لقاه
أبويا كان بيضحك تملى ع الحياه
ولا مره تعبت خطوته ولا عمره تاه
وعشان سلامة نيته أبويا طابت زرعته
فاكر عيدان الدره وقطف الشواشي
والأرض طارحه المغفره والنيل نجاشي
والنيه صابحه مخضره يلم الكيزان
عشان ماندي للجيران والخير يوافي
أبويا كان طيب قوي كالنبع صافي
كان زي نسمه حنينه ترمي العوافي
والسيره باقيه وسطنا طارحه السنابل
يادعوه نايمه ف قلبنا والرب قابل
تنزل علينا بالهنا نلم الحصاد
وازاي نكابر أو نغالط بالعناد
والبركة جند من السما والحب زاد
مين اللي قال ان السعاده شوال فلوس
غير السكارى والحدادي والمجوس
دول هاموش مابيفهاموش ولايعرفوش
إن السعاده قلب طيب يبتسم تضحك وشوش
والسعاده ف سيرة ابويا
وسيرة ابويا مخضره
ودعوه باقيه في النفوس
وسيرة ابويا مخضره
ودعوه باقيه في النفوس
______________
بقلمي ........
معوض حلمي
منشأة بطاش
تمي الأمديد
دقهلية
