بلدي وعاشق ترابها .. بقلمي .. معوض حلمي

( بلدي وعاشق ترابها )
______________

سايباني    مني  لعلامك
قولك    من   أصل  ابوك
م  الغالي   نقي   كلامك
واكرم  جناب  اللي ربوك

سايباني للي صان العرض
وصان  شرفنا ...  وعيالنا
وصان كمان  ......  الأرض
لاباع  ولا تاجر .....  بدينا

سيباني .........وإيه يعني
بلدي....... وعاشق  ترابها
توجعني   مهما    توجعني
واموت لو أي شيء صابها

سيباني .....  يام    الحنان
ودمي ...... عجينه  بترابك  
هابني ....... سواتر  أمان
واحرس بروحي .....عتابك

سيباني وقلبك .... دليلك
لناس قلوبها ........أمينه
حراس لشمسك....ونيلك
شهاده قالها  ....... نبينا

سيباني  سيبي  ولايهمك
هاحميكي   مكر   الديابه
أنا  أصلي   معنى  بهمك
ميت   في  حبك   صبابه

سيباني للي .....شبعان
لاجاع ولا مد ....... إيده
ضهري له ضهر لو تعبان
والنخل  ضله  ف جريده

سيباني ل جندي الميدان
والسبع  أمره  .....بإيده
يهش  الحدادي والغربان
ولا حد  فل  ..... حديده

سيباني  والعبر  أشكال
ألوانها بيضا .... وسودا
وشوفت اللي حمل شال
خفيف  ياحمل  الفريضه
______________
بقلمي ........
معوض حلمي
منشأة بطاش
تمي الأمديد
دقهلية