أنا المصري .. بقلمي .. معوض حلمي

ردي علي الكاتبة السعودية
زينب على البحراني
______________

(  أنا  المصري  )

______________

هاتي الزمان اللي فاتها
يابنوره  يامسحوره
واكشفي عورة زمانها
بنت الذوات الأموره
هاحكيلك عن زماني
طرطقي ودانك معايا
يازينب يابنت البحراني
أطردي شيطان الغوايه
واسمعي أصل الحكايه
وافهمي مني المعاني
أنا  أصلي   مصري
ع الدوام دايما بعاني
لكني وقت الجد أصلي
فدا بلادي روحي سبقاني
إفتحي كتاب التاريخ
باب العروبه اللي بصحيح
وشوفينا على مر السنين
وجدود جدودك محتاجين
والتكيه بتدي خيرها باليمين
والكسوه طالعه م الحسين
وانتي يامه كنتوا فين ..؟
كنتوا في الخلا سارحين
بتاكلوا حشاش الأرض
وع  التراب  نايمين
واحنا  سنه  وفرض
بهمومكوا .... معنيين
وازاي   نبيع  الأرض
والأرض  عهد  ودين
وكل الحكايه  يازوبه
عشان  يزول  الذنب
الأرض دي مغصوبه
باتفاقية........كامب
واللعبه......ملعوبه
لزوم  دواهي الحرب
والحسبه ... محسوبه
علشان ...... نطلعها
من بين ولاد الكلب
والأرض  .... راجعالنا
وافهمي ..... المعنى
جهلك ........ بيوجعنا
سقانا  كاس  الغلب
بتسألي  مالنا ... ؟
وبتوصفي  حالنا
ومآآآسي ترحالنا
العزه تاجي وأصلي
وانا المصري
هنا أرضى م المحيط
للخليج العربي الأصيل
أنا المصري كريم أصلي
ولاعمري كنت عويل
أنا المصري
فدا وطني باشوف الويل
وانا المصري
كدا طبعي غنا ومواويل
وانا المصري
عشان مصري بشد الحيل

وانا المصري
عشان مصري بشد الحيل
______________
بقلمي  .......
معوض حلمي
منشأة بطاش
تمي الأمديد
دقهلية