( عيدنا سعيد بالفول النابت )
________________
جانا العيد وانا زايد وجدي
والأسعار مش عايزه تهدي
والخرفان أسعارها جنان
واخده عقولنا للتوهان
وانا قاعد زي عوايدي
أنكت ف غيابكم واهري
ياوبور وحياتك هدي
لما تعدي بكل لطافه
وانا قاعد تحت الصفصافه
ومستني حبايبي
والغدا عندي
فطير معجون بالسمن البلدي
وقشطه بوش
وطبق الباميه عليه القيمه
وجبنه قديمه بحبة مش
ورشة خل على السردين
مع حبة زيت
وع الطبلية الأكل صنوف
والخير مصفوف
ولا في الحواديت
وبلاها اللحمه بلاها خروف
دا اللقمه هنيه
تكفي ال 100
تلم حبايب ع الطبليه
بس النيه تعدي الخوف
وانا جهزت الأكل وجيت
على أعتابكوا ياناس لبيت
واحنا بجد عليكوا ضيوف
وانتوا حدانا صحاب البيت
وانا بوجودكوا ياناس مبسوط
وعيد هايفوت ولاحد يموت
ولأعيادنا هانبني ثوابت
عيدنا سعيد بالفول النابت
عيدنا سعيد بالفول النابت
________________
بقلمي ........
معوض حلمي
منشأة بطاش
تمي الأمديد
دقهلية
________________
جانا العيد وانا زايد وجدي
والأسعار مش عايزه تهدي
والخرفان أسعارها جنان
واخده عقولنا للتوهان
وانا قاعد زي عوايدي
أنكت ف غيابكم واهري
ياوبور وحياتك هدي
لما تعدي بكل لطافه
وانا قاعد تحت الصفصافه
ومستني حبايبي
والغدا عندي
فطير معجون بالسمن البلدي
وقشطه بوش
وطبق الباميه عليه القيمه
وجبنه قديمه بحبة مش
ورشة خل على السردين
مع حبة زيت
وع الطبلية الأكل صنوف
والخير مصفوف
ولا في الحواديت
وبلاها اللحمه بلاها خروف
دا اللقمه هنيه
تكفي ال 100
تلم حبايب ع الطبليه
بس النيه تعدي الخوف
وانا جهزت الأكل وجيت
على أعتابكوا ياناس لبيت
واحنا بجد عليكوا ضيوف
وانتوا حدانا صحاب البيت
وانا بوجودكوا ياناس مبسوط
وعيد هايفوت ولاحد يموت
ولأعيادنا هانبني ثوابت
عيدنا سعيد بالفول النابت
عيدنا سعيد بالفول النابت
________________
بقلمي ........
معوض حلمي
منشأة بطاش
تمي الأمديد
دقهلية
