( الحق و البهتان )
______________
أنا عايش ومش عايش
انا زي البسيس بايش
ماليش عنوان
وضاعت كل تفاصيلي
وانا التايه ف تأويلي
مع الأحزان
لا انا شايف ولا سامع
ولا شاري ولا بايع
ولا نازل ولا طالع
انا التايه
مابين الحق والبهتان
وانا الطيب وحامي الدار
وانا الشاطر ف إيد تجار
لكن غايب عن الأنظار
كأني شريد بلا عنوان
ولقيت الكل في الأزمه
ضمير ميت مالوش لازمه
بنتسرسب من الحزمه
وضاعت قيمة الإنسان
ياشمس الصبح طال ليلك
ضيك فين ...... وقنديلك
ماشدوا الظلم من حيلك
ولفوني في .... الأكفان
تعالى طلتك ...... وافيه
مدي خيوطك .... الدافيه
تطرح أرضنا ..... العافيه
وتسقينا الوفا .... تحنان
ونرجع تاني .... للمعني
وتصحى قلوبنا وتساعنا
وكلمة حب .... تجمعنا
ونتعاهد على الإحسان
وافك قيودي م الهامش
ويجي الفرح نتناغش
واحس إن انا عايش
مانيش بايش ولا هفتان
ويبان الحق م البهتان
ويبان الحق م البهتان
______________
بقلمي ........
معوض حلمي
منشأة بطاش
تمي الأمديد
دقهلية
______________
أنا عايش ومش عايش
انا زي البسيس بايش
ماليش عنوان
وضاعت كل تفاصيلي
وانا التايه ف تأويلي
مع الأحزان
لا انا شايف ولا سامع
ولا شاري ولا بايع
ولا نازل ولا طالع
انا التايه
مابين الحق والبهتان
وانا الطيب وحامي الدار
وانا الشاطر ف إيد تجار
لكن غايب عن الأنظار
كأني شريد بلا عنوان
ولقيت الكل في الأزمه
ضمير ميت مالوش لازمه
بنتسرسب من الحزمه
وضاعت قيمة الإنسان
ياشمس الصبح طال ليلك
ضيك فين ...... وقنديلك
ماشدوا الظلم من حيلك
ولفوني في .... الأكفان
تعالى طلتك ...... وافيه
مدي خيوطك .... الدافيه
تطرح أرضنا ..... العافيه
وتسقينا الوفا .... تحنان
ونرجع تاني .... للمعني
وتصحى قلوبنا وتساعنا
وكلمة حب .... تجمعنا
ونتعاهد على الإحسان
وافك قيودي م الهامش
ويجي الفرح نتناغش
واحس إن انا عايش
مانيش بايش ولا هفتان
ويبان الحق م البهتان
ويبان الحق م البهتان
______________
بقلمي ........
معوض حلمي
منشأة بطاش
تمي الأمديد
دقهلية
