تجربة .. بقلمي الفلاح الفصيح .. معوض حلمي

""   تجربة   ""

قلت  عني  قلبي  لاهي  ..
كلمة عدت  وانت ساهي  ..
بس    شدت     إنتباهي  ..
حبة  زرعت   جوا   مني  ..
شكي    منك   وارتيابي  ..
فجأة  كبرت  غصب عني ..
فرعت  حيرتي   وعذابي ..
ليه   تزيد  فكري  وظني ..
ليه تخون عهدي وشبابي ..
كنت  فاكرك  نبض قلبي ..
ليه  تفارق   ضل   بابي ..
الخلاصة  معاك  حكايتي ..
تجربة    وهزت   كياني ..
غصب     عني    أدبتني ..
لما  سهمك  يوم  رماني ..
علمتني   الدرس   بدري ..
مستحيل  تخدعني  تاني
مستحيل  تخدعني  تاني
                               ~~~~~~~~~~~~~
بقلمي الفلاح الفصيح
معوض حلمي
منشأة بطاش
تمي الأمديد
دقهلية