مافيا المحاميل .. بقلمي الفلاح الفصيح .. معوض حلمي

(  مافيا  المحاميل  )

_________________

عميلنا الغالي لقد نفذ رصيدك ....
يالا  بسرعه   شخشخ  جيبك  ....
إشحن  ع الطاير  أو ع النوته  ....
أو  سلفني   وانت   وكيفك   ....
بقى  بالزمه  ياناس  مهابيل  ....
بتصدقوا   مافيا   المحاميل   ....
دول حاسبينكوا ياناس براميل ....
إصحي   ياعم   شويه  وفوق  ....
خاصم   جهلك  واكسر طوق   ....
دول   هليبه    بخفه   وذوق  ....
 طالعين واكلين نازلين واكلين  ....
شبكه   هباب   والنت   منين  ....
ياللي   فاكرهم   بني  آدمين  ....
دول  حراميه  وفايحه الريحه  ....
واسمع  مني  وخدها  نصيحه ....
وإحمي    جيوبك   م الشبيحة ....
..................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية