( الغربه عايشانا ) بقلمي الفلاح الفصيح.. معوض معوض

( الغربه  عايشانا  )

__________________

ليه  لما نصحي  من  نومنا
نداري همومنا في هدومنا
ونلآقي الغربه .... عايشانا
وسرقانا  من ........ يومنا

ويطول ليلها ك حرب باسوس
 يتحول  فيها  حلمي  كابوس
وتيجي  الضحكه ..... تتغابى
عشان  تطلع  بقلع   ضروس

ونحايل  فجرنا يطلع  يداوي قلوب
يشق العتمه من روحنا لاجل نتوب
وتطلع  شمسنا  ........... الدافيه
ونغزل  من  خيوطها .........

توب

ونبدر  في  البراح  بسمه
تسرح  في  المدى نسمه
ترسم  ع الوشوش  أفراح
وترضى  قلوبنا  بالقسمه

وترضى  قلوبنا  بالقسمه
__________________
بقلمي الفلاح الفصيح
معوض حلمي
منشأة بطاش
تمي الأمديد
دقهلية