حب الرسول جوايا طاعه .. بقلمي الفلاح الفصيح .. معوض حلمي

( إبعتها لعشرة ولو انا منهم وشوف بعد يومين ......  ؟)
هذه الرسالة بدعة ، وكل بدعة ضلالة ، وكل ضلالة في النار

 [ حب الرسول جوانا طاعه ]
~~~~~~~~~~~~~~~~~~~~~~~~~

والله   خزي  وعار   مكتوب   علينا
لما   نتبادل  رسايل   تذكرنا  بنبينا
نسينا   نهجه  وسنته ضيعنا الطريق
روحنا   لسنين  التيه تاهت خطاوينا

جاتني رساله وانا الشاعر هزت جوايا مشاعر بدون معنى  ولامضمون  كلامها .......  واعر
قالولي   صلي  ع  الرسول  تكسب   شفاعة
وانا مسلم وقد القول ولا انتوا شايفني كافر

وانا  عندي  دم  ومش  هابعتها لأي واحد
كل اللي عندي مسلمين مافيهومش جاحد
وانا    لسه   عقلي   مركبي    وبيشتغل
هو   دليلي  ف  رحلتي  ف  النوا   جامد

العقيده  أصول  وثابته  ياجماعه
وحب   الرسول   جوايا    طاعه
طاعه     مبدوره     ف   كياني
طارحه   على   وشي   الوداعه

~~~~~~~~~~~~~
بقلمي الفلاح الفصيح
معوض حلمي
منشأة بطاش
تمي الأمديد
دقهلية