عزمك حضن .. غنائية .. بقلمي الفلاح الفصيح .. معوض حلمي

غنائية بمناسبة إنتصارات أكتوبر

........................

( عزمك  حضن )

____________

سته  اكتوبر
أحلى  مافيها
عزم  شبابنا
اللي بيحميها
دم   الشهدا
النابض  فيها
يالا يامصري
هم  وقوم
بالروح افديها ..
دا مفيش
شيء أبدا
يغلى عليها ...
خلي الندل
اللي بيكرهها
وواكل خيرها ...
زي السوسه
ساكنه جسدها
بتنخر فيها  ...
يرحل عنها
ويرمي حمولها
ع اللي شاريها ...
دا اللي شاريها
أكيد يحميها
من التزييف ...
هو الأقوى
عشان على حق
هو عفيف ...
عمره ماباع
ف ترابها وخانها
عمره  ما كان
في  الأزمة
ضعيف   ...
عمره  مافارق
بابها  وسابها
هو  الحارس
هو  شريف  ...
يالا  يامصري
إنت  الطيب
إنت  المجدع  ...
عزمك  يحمي
بلادك  واسمع ...
عزمك  يشبه
دانة  مدفع   ...
عزمك  حضن
يلم  ويجمع   ...
عزمك  درع
يصد  ويمنع  ...
يمنع  كل
آيادي  الغدر  
تهدم ف المدنه
وف  المصنع  ...
عزمك  ساقيه
تروي  الأرض
عزمك  همه
تصون  العرض ...
يالا يامصري
عزمك  فرض
يالا  يامصري
نادي  بعزمك
الله  أكبر
الله  أكبر
هز  الارض

الله  أكبر
الله  أكبر
وهز  الارض

________________
بقلمي الفلاح الفصيح
معوض حلمي
منشأة بطاش
تمي الأمديد
دقهلية