( إللي خانوا ) بقلمي الفلاح الفصيح .. معوض حلمي

(  إللي   خانوا  )

-----------------

إللي   خان   العهد   قله
فعله   أحقر   م  الحقاره
والربايه    الخايبه    عله
فعل    فاضح    وبجداره
الرجوله  لما  ...... باعها
هدها  وكتر ...... وجعها
عايزه  تصرخ  قام  منعها
لبست  الطرحه   بمراره

إللي  خانوا  وباعوا  فينا
قتلونا  في  .... الجوامع
ملعونين   من  عهد  مينا
هدموا حتى ... الصوامع
فوق حيطان البيت ونطوا
لوثوا  نيلنا  .....  وشطه
شالوا  فينا  كتير وحطوا
وقفوا   ضد  الحق  مانع

اللي  خان  العهد  أعمي
ملحنا ماتمرش  ....  فيه
واللي يكره  ناسه يعمى
أكلنا يحرم  ......... عليه
قلنا  عنه   طبعه  سادي
لما   سال   الدم   عادي
وراح يساند في الأعادي
غله    باين   من   عينيه
-----------------
بقلمي الفلاح الفصيح
معوض حلمي
منشأة بطاش
تمي الأمديد
دقهلية