ياباص الرحلة .. بقلمي الفلاح الفصيح .. معوض حلمي

(  ياباص  الرحلة  )

~~~~~~~~~~~~~~~~~~~~

ياباص  الرحله   طير  بينا   وفسحنا
وودينا بذوق حدا المراجيح ومرجحنا
وخد  بإيدينا   هنينا   مالينا  الشوق
وارفعنا  لفوق حدا النسمه  وفرحنا

ياباص  متعبي  .........   بالأسرار
فاكرك   لما   كنا   .........   صغار
أبدر   فرحه   في   .........   عنينا
تواسينا   واحنا   ............. كبار

ياباص  الرحله  لملمنا .......... ودفينا
شق   العتمه   طمنا   لأحلامنا   عدينا
عشان   فينا  الآمال  .........  سارحه
زمر يالا  واجمعنا وغنى معانا غناوينا

ياباص  الرحله  واتمايل  على  الجنبين
وقلوبنا  الخضرة  تتمايل  وزايده حنين
وهات  غنوه كدا لفيروز وعلي الصوت
وانا  واصحابي  نتمايل  شمال  ويمين

ياباص الرحله انا لابس جديد ف جديد
ومستنيك ندوب ف الريح  نروح لبعيد
نوصل  جدار  الزمن  وافتح  لنا   سكه
زمني  طلع سكه وبقالي سجن حديد  

~~~~~~~~~~~~~~~~~~~~
بقلمي ........
معوض حلمي
منشأة بطاش
تمي  الأمديد
دقهلية