الكلمه ليها أصول .. بقلمي الفلاح الفصيح .. معوض حلمي

( الكلمه ليها أصول )

---------------

إله الحب كان ساحر
وسهمه
في  القلوب  راشق
والشعر من سطوته
يركب  على  صهوته
خيال   لكن   عاشق
النخوه ..... نبراسه
يوصف  آهات ناسه
عايش مشاعر البشر
صاحي وضميره حي
تنزل   حروفه  مطر
تطرح  غيطانا   ضي
يسهر  يناجي  القمر
يحرس  بيوت  الحي
والكلمه ليها  أصول
إن كنت ناوي تصول
أو كنت غاوي تجول
عطرها   بالإحساس
واكتبها    بالمعدول
وافتح  قلوب الناس
وادخلها   بالمعقول
مش  بالهتاف  ياجخ
ولا  بالزعيق   تبني
إن كنت غاوي الجخ
إلعب   بعيد   يابني
دا الحق  سيف  بتار
حكم  .... لعب ستار
وشوفت  جملك  نخ
ف ياريت تبطل   بخ
وتغيب  عن  الأنظار

ف ياريت  تبطل  بخ
وتغيب  عن  الأنظار

........................
بقلمي الفلاح الفصيح
معوض حلمي
منشأة بطاش
تمي الأمديد
دقهلية