الديوك للنخوة تدن .. بقلمي الفلاح الفصيح .. معوض حلمي

( الديوك للنخوه تدن )

________________

لو  هتطلع  بره  .... جلدك
يبقى  تتحمل ....... ذنوبك
ليه   تقول  للواطي  سرك
مش   هايستر  لك   عيوبك

كلمتك  لو  كات  ... فصيحه
ترسمك  ورد ...... وشقايق
والربايه   إن   جت  صحيحه
ترفعك  بين ........ الخلايق

وابويا   عهده   كان  رفاعي
كان  في البلد عالي المقام
كات   تخاف  منه   الأفاعي
وكل راعي وله  ...... مقام

الأب   في   السكه   الدليل
ينصحك  لو  كنت  ... خاطي
والولد  لو  بان ....... عويل
يبقى أبوه في الأصل واطي

والرجوله  مش ..... كلام
والسكوت  مش نقص فينا
أبويا  كان  دكان .... علام
وكان   يبيع   الحكمه  لينا

قالي  حكمه   غاليه   جدا
فرق   بين  جاهل  وراقي
الديوك  للنخوه ....... تدن
والفراخ  تزعل .... تكاكي

وقالي صاحب في الطريق
الصديق    هايحلي   دربك
ضحكه  حلوه   تبل ... ريق
والنوايا   في  علم ... ربك

والنوايا   في  علم ... ربك
.............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية