خالي ملهمي ونبراسي
ذكراك تعطر فضاءاتي
...............................
:: قلب الملاك ::
..............................
لما قالوا الواد لخالو
قلبي قال طيب ومالو
ماانا خدت من خالي جمالو
وخالي كان بألف خال
رغم أنه مات وفات زمانو
مات وساب فيا حنانو
ألف رحمة ونور ياخال
وحشتني وعز السؤال
غمضت عيني لاجل اشوفك
قالتلي عيني ياخال محال
قوم ياواد انظم حروفك
عيش حقيقة مش خيال
ولما جيت انظم حروفي
عشان اشوفك ..
لقيت حروفي ميسرة
نظمت سيجال ..
كتبت مربع توصفك
لكن مربع ضحكتك
طاغي الجمال ..
واشتاق يوماتي لطلتك
وحالي حال ..
وطلعت أدور ف الوشوش
على ضحكة تشبه ضحكتك
ضحكة ملاك ..
لكن فاشوش كل الوشوش
لبست رتوش قناع هلاك ..
أو قلب فيه من رقتك
نسمة هواك ..
ولاقلب يشبه رقتك
ولانسمتك مرت هناك ..
لكن محال وميت محال
حروفي تقدر توصفك ..
أو وش ممكن يشبهك ..
وش الطيابة راح معاك ..
ألف رحمة ونور ياخال
وحشتني وعز السؤال ..
وحشتني .. وحشتني
وواحشني فيك قلب الملاك ..
وواحشني فيك قلب الملاك .. ~~~~~~~~~~~~~~~~
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ذكراك تعطر فضاءاتي
...............................
:: قلب الملاك ::
..............................
لما قالوا الواد لخالو
قلبي قال طيب ومالو
ماانا خدت من خالي جمالو
وخالي كان بألف خال
رغم أنه مات وفات زمانو
مات وساب فيا حنانو
ألف رحمة ونور ياخال
وحشتني وعز السؤال
غمضت عيني لاجل اشوفك
قالتلي عيني ياخال محال
قوم ياواد انظم حروفك
عيش حقيقة مش خيال
ولما جيت انظم حروفي
عشان اشوفك ..
لقيت حروفي ميسرة
نظمت سيجال ..
كتبت مربع توصفك
لكن مربع ضحكتك
طاغي الجمال ..
واشتاق يوماتي لطلتك
وحالي حال ..
وطلعت أدور ف الوشوش
على ضحكة تشبه ضحكتك
ضحكة ملاك ..
لكن فاشوش كل الوشوش
لبست رتوش قناع هلاك ..
أو قلب فيه من رقتك
نسمة هواك ..
ولاقلب يشبه رقتك
ولانسمتك مرت هناك ..
لكن محال وميت محال
حروفي تقدر توصفك ..
أو وش ممكن يشبهك ..
وش الطيابة راح معاك ..
ألف رحمة ونور ياخال
وحشتني وعز السؤال ..
وحشتني .. وحشتني
وواحشني فيك قلب الملاك ..
وواحشني فيك قلب الملاك .. ~~~~~~~~~~~~~~~~
بقلمي الفلاح الفصيح
معوض حلمي
منشأة بطاش
تمي الأمديد
دقهلية
