يخرب شيطانك ياجدع .. بقلمي الفلاح الفصيح .. معوض حلمي

ردي علي رائعة ملهمنا
الساحر صلاح جاهين
رحمة الله عليه

...............................

صلاح جاهين ..

..  يخرب شيطانك ياجدع
إزاي بتضحك ع الوجع
وتقول مفيش ؟
والدنيا كيف مابتكسركش
والبعد كيف مابيوجعكش
وازاي برغم الخوف
وكلاكيع البشر
قادر تعيش  .........

................................

....... معوض حلمي .......

( يخرب شيطانك ياجدع )

................................

يخرب  شيطانك .... ياجدع
م الخوف عليك قلبي انخلع
وبرغم  دمعك ..... بتداريه
شايفه  في ......... عينيك
وبرغم  خوفك .... بتداديه
والشوك  ........... ماليك
قلبك  خضار مروي  بورع
يخرب  شيطانك ... ياجدع

يخرب شيطان الخوف بقه
إمتى  ..............  اللقا
بالحق  والخير   صولجان
والصبح  يطلع   شقشقه
والعدل   يبقى  المطرقه
نرتاح  شويه  من الشقى
والنور  .............. يبان

يخرب  شيطانك   ياجدع
رغم البدع لساك مسامح
ولسه  قلبك .... مركبك
مانتاش .........  رتوش
وبرغم   جرحك   والألم
وشك  ......... باشوش
راوي الأراضي  بهمتك
والورد  .......... طارح

يخرب   شيطانك  ياجدع
لساك  فتوه  .... بتنقلع
ع الخلق ..........  خوف
والخسه كيف ماتغيركش
مال  الزمن  ولا ميلكش
وازاي  كتافك  دول جبل
رغم  ........... الظروف

يخرب  شيطانك  ياولد
من  ألف  محنه  بتتولد
وتعود  ........... جديد
ولايوم تحيد عن سكتك
ولا نزوه  هدت  همتك
ولا مره تعبت خطوتك
عزمك ..........  حديد

يخرب  شيطانك  ياجدع
لسه باقيه  العزه   فيك
كسرت جاه ... المرتجع
رغم الوجع  بالآآه ماليك
لو يوم تغيب يسأل ودع
كأنه  توأم   روحه  فيك
.................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية