........... أبو حلمي .. وبهانه ...........
..............................................
مالك كده يابهانه ماشيه.... متنشيه
عشان جمالك عفى وغزاله .. مسحوره
أنا برضه واد عتره ..... وم المنشيه
وآيه في الجمال أصلي .. م المنصوره
تعبتي قلبي وراكي داير ...... الف
شكلي شربت العمل وفكري.. طار
قولي لابوكي شويه عني .... يخف
لاحسن أسوق فيها واعمل ..... زار
واشيل طبله وادور حواري ... البلد
عاشق بهانه ياناس وعقلي ... اتجن
واقف ببابها ورايا أهل ........ البلد
يمكن يشوفني ابوها قلبه ..... يحن
أبوها ..
فينك ياشيخ الغفر الأمن مش زابطين
مجنون على بابي باين عليه محتال
جاي طالب القرب ولاعنده مال ولا طين
وبهانه فرسه وعايزه واد ...... خيال
أبو حلمي
لو كنت عايز مال قلبي الحنين قصر
والطين يابوها ساعة الميراث عله
هاديها حبي وإخلاصي وروحي مهر
واشيلها في عيوني وادويها م العله
بهانه
مالنا يابويا ومال كلام ......... الناس
مادام شاريني الفقر مش ....... عيب
وأبو حلمي طول عمره عالي الراس
لاشوفته بيطاطي ولامره صاحب ديب
أبو حلمي
ندرن عليا يابت لاجعل حياتك ..... هنا
وامشي على الشوك مادمتي شاريه الود
واملى الشوارع والحواري ......... غنا
واشد عودك وازرع خدودك ....... ورد
بهانه
لما آجي بيتك هأوهبك زهرة شبابي
حافظ على العشره إوعاك .... تخون
إياك تبيعني أو تفارق ضل .... بابي
شيلني في عيونك خليك ...... حنون
أبو حلمي
الحنان بيني وبينك فيفتي ... فيفتي
والإيدين متشبكين تمشي الهموم
أصون ودادك وانتي برضه تردي غيبتي
والبيوت عايزه الأمانه عشان تدوم
بهانه
الأمانه يابن قلبي ........ هابنيهالك
هابقى مرتك وابقى أمك واحتويك
والمحبه جوا قلبي ........ شايلهالك
واوهبك روحي وحياتي .... وافتديك
أبو حلمي
إفتحي ودانك واسمعيني ... يابهانه
إياك والغيره بتقلب خضار الأرض بور
وبيوت العز بعد العز تصبح مهانه
والحب يطفش منها ويروح .... لنور
بهانه
إستني قابله قولي مين دي تبقى نور
وازاي بهانه تهز طولها أو .... تغير
لو حتى واصل حسنها بدر البدور
انا سيرتي غاليه في البلد خالي الغفير
أبو حلمي
مهما قلنا ومهما عيدنا الطبع غالب
يروح لنور يعني شمس جايبالنا النهار
أو همس القمر بالليل بينده ع الحبايب
بإختصار الغيره في الستات دمار
أبو حلمي
إحفظي سرك وسرى واعلي .. بيينا
إوعي جاره تود ليكي ... وتسمعيها
إفتحي عيونك قصقصي طيرك توجعينا
سدي باب الشر عنا ....... وامنعيها
بهانه
هاسد بابي وف رحابي إنت الدليل
فاوعي بره البيت عينيك ...... تزوغ
تندهك نداهه تمشي وراها .... ديل
ع العهد خليك وفي وإياك .... تزوغ
دويتو
وعدي ليكي عمري ليكي وقلبي دار
وإن لقيت دمعه ف عينيكي ابقى حوت
وعدي برضه زي وعدك له مدار
وإن لقيت دمعه ف عينيك أزعل واموت
.............................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
..............................................
مالك كده يابهانه ماشيه.... متنشيه
عشان جمالك عفى وغزاله .. مسحوره
أنا برضه واد عتره ..... وم المنشيه
وآيه في الجمال أصلي .. م المنصوره
تعبتي قلبي وراكي داير ...... الف
شكلي شربت العمل وفكري.. طار
قولي لابوكي شويه عني .... يخف
لاحسن أسوق فيها واعمل ..... زار
واشيل طبله وادور حواري ... البلد
عاشق بهانه ياناس وعقلي ... اتجن
واقف ببابها ورايا أهل ........ البلد
يمكن يشوفني ابوها قلبه ..... يحن
أبوها ..
فينك ياشيخ الغفر الأمن مش زابطين
مجنون على بابي باين عليه محتال
جاي طالب القرب ولاعنده مال ولا طين
وبهانه فرسه وعايزه واد ...... خيال
أبو حلمي
لو كنت عايز مال قلبي الحنين قصر
والطين يابوها ساعة الميراث عله
هاديها حبي وإخلاصي وروحي مهر
واشيلها في عيوني وادويها م العله
بهانه
مالنا يابويا ومال كلام ......... الناس
مادام شاريني الفقر مش ....... عيب
وأبو حلمي طول عمره عالي الراس
لاشوفته بيطاطي ولامره صاحب ديب
أبو حلمي
ندرن عليا يابت لاجعل حياتك ..... هنا
وامشي على الشوك مادمتي شاريه الود
واملى الشوارع والحواري ......... غنا
واشد عودك وازرع خدودك ....... ورد
بهانه
لما آجي بيتك هأوهبك زهرة شبابي
حافظ على العشره إوعاك .... تخون
إياك تبيعني أو تفارق ضل .... بابي
شيلني في عيونك خليك ...... حنون
أبو حلمي
الحنان بيني وبينك فيفتي ... فيفتي
والإيدين متشبكين تمشي الهموم
أصون ودادك وانتي برضه تردي غيبتي
والبيوت عايزه الأمانه عشان تدوم
بهانه
الأمانه يابن قلبي ........ هابنيهالك
هابقى مرتك وابقى أمك واحتويك
والمحبه جوا قلبي ........ شايلهالك
واوهبك روحي وحياتي .... وافتديك
أبو حلمي
إفتحي ودانك واسمعيني ... يابهانه
إياك والغيره بتقلب خضار الأرض بور
وبيوت العز بعد العز تصبح مهانه
والحب يطفش منها ويروح .... لنور
بهانه
إستني قابله قولي مين دي تبقى نور
وازاي بهانه تهز طولها أو .... تغير
لو حتى واصل حسنها بدر البدور
انا سيرتي غاليه في البلد خالي الغفير
أبو حلمي
مهما قلنا ومهما عيدنا الطبع غالب
يروح لنور يعني شمس جايبالنا النهار
أو همس القمر بالليل بينده ع الحبايب
بإختصار الغيره في الستات دمار
أبو حلمي
إحفظي سرك وسرى واعلي .. بيينا
إوعي جاره تود ليكي ... وتسمعيها
إفتحي عيونك قصقصي طيرك توجعينا
سدي باب الشر عنا ....... وامنعيها
بهانه
هاسد بابي وف رحابي إنت الدليل
فاوعي بره البيت عينيك ...... تزوغ
تندهك نداهه تمشي وراها .... ديل
ع العهد خليك وفي وإياك .... تزوغ
دويتو
وعدي ليكي عمري ليكي وقلبي دار
وإن لقيت دمعه ف عينيكي ابقى حوت
وعدي برضه زي وعدك له مدار
وإن لقيت دمعه ف عينيك أزعل واموت
.............................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
