ماشيه البنيه .. بقلمي الفلاح الفصيح .. معوض حلمي

.... ( ماشيه البنيه ) ....

...........................

ماشيه   البنيه .... بدلال
صفصافه  طرحت  ورايق
القد  زايد  ........  جمال
والشعر   سايح    ورايق

ماشيه   البنيه  ...... بدلع
شغلت  يابويا ..... دماغي
بصت   لي  قلبي    اتخلع
والسهم صابني جاب داغي

ماشيه   البنيه   الخطاوي
رنتها   في  القلب   شقه
يخرب شيطان اللي غاوي
عشق البنته ....... مشقه

ماشيه   البنيه ... بإشاره
وانا   قلبي  خالي  ورايق
عدت   وسابت ... شراره
قادت في راسي الحرايق

ماشيه   البنيه  .... بهيام
حلوه   العيون ... الكحيله
حرمت  عيوني .... المنام
بلاغي  لله  مابيدي  حيله

ماشيه  البنيه  بلا .... هم
والضحكة  غنوة .... ربابه
أرأف  بحالي ........ ياعم
أنا  أصلي  عاشق  صبابه

ماشيه البنيه  في عيوني
ع الرمش  راكبه   جملها
هجروني ناسي وباعوني
شافوني عاشق   جمالها

ماشيه البنيه ....... بجلد
كن   الغفير  يبقى  خالها
لو   كان  مرادها   السند
انا   برضه ........ خيالها

ماشيه   البنيه ... بحلقها
زاينه  الأساور .... إيديها
سبحانه  ربي ..... خلقها
ودلى  قلبي ....... عليها

قلب   البنيه  دا   خارطه
مرسومه  رسمه   ياخال
الكحل ف عينيها  شرطه
والشامه   ع الخد   خال
..............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية