أنا كل الفصول .. بقلمي الفلاح الفصيح .. معوض حلمي

.......... أنا  كل  الفصول ..........

..........................................

البذره  بنت  الارض
والفرحه  قلب  العيد
وانا  كل  الفصول  متجمعين
فصل  بمسمى  جديييييد
زمهرير  على  برد
حبة  مطر  على  شرد
راسمين  ملامح  وشي
ولا مره  نسمه  تلين
وتهل  بالمواعيييييد
ولا تيجي  شايله  عبير
وتنام  على  رمشي
وكأني  ساقط  قيد
وانا  ميييييين
من  بعد  ابويا  اللي  راح
 الموت  دفع  مهري
سرح  معايا  وراح
كسر  عمود  ضهري
وسابني  شرييييييد
وقلب  امي  اللي  جمعنا
وساعنا  ف عز  أحزانه
داب  من  كتر  أوجاعنا
وباع  العيييييييد
ورقصت  روحنا  مدبوحه
وقصت  توبنا  مكتوبنا
ونايمه  جروحنا  مفتوحه
ونارنا  تقييييييد
والبذره  بنت  الأرض
والخضره  قلب  العيد
وانا  كل  الفصول  متجمعين
فصل  بمسمى  جدييييييد

فصل  بمسمى  جدييييييد
..........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية