فلاش باك .. بقلمي الفلاح الفصيح .. معوض حلمي

............  فلاش  باك  ............

........................................

ماحناش في الحب ياناس اتنين
ولا  كنا  عينين   بتبص  لبعض
دوبنا   حنين   ودموع   وأنين
إحساس  القرب   بيشدنا  شد
واهو  عدى  الحد
وقلبي الطيب سهاني
راح يسأل على نصه التاني
علشان يرضيه
مشتاق  لعينيه
تغلبني الأشواق واتمنى
تنام في عيوني وف النني
وأنام في عينيك يامجنني
وإزاي قادرين شياطين الجان
 ياخدوك مني
دول عارفيني بحبك موت
وأموت لو غيرك يشغلني
واستني تفوت والنور حواليك
وأنادي  عليك ، فترد  آمين
وافرش  لك  كل سنيني حنين
يناديني  هواك  مطرح  ماتكون
وأطير  وياك  لحدود  الكون
ونكون حبيبين وهوانا هيام
وإن مال الهوا في عيونك نام
انا  هابقى  حمام
وابني  لك  عشي
بقشه  محبه ، وقشه غرام
وافتح  لك  قلبي  الأخضر
لاجل  ماتمشي  وتتمختر
على  عيني  ورمشي
وتجيني هناك
وارجع بالذكرى فلاش باك
لهنايا  معاك
والآقيك  طاير بتقرب
بجناح  من ريش
بتطمن  قلبي  وبتطبطب
تداوي  لي  الآآآآآه
ويمد شعاع  الحب  مداااااااه
يااااااااااه
باحلم  بالجنه  تكون  وياك
واسرح في عينيك لمشاء الله

باحلم  بالجنه  تكون  وياك
واسرح في عينيك لمشاء الله
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية