فتح التابوت .. بقلمي الفلاح الفصيح .. معوض حلمي

.........  فتح  التابوت

   .........

.........................................

كنت  سارح  بين  غيطان  الأمنيات
كنت  طاير  زي  العصافير  ع الشجر
فجأة  حسيت  بالسكات
كنت  باحلم  بنور  الفجر  يطلع  شقشقه
والليل  معاند  سرسب  الإحساس  شقى
واتخطف  ضي  العيون
كل  الوشوش  رغم  إختلاف  اللون
باشوفها  باهته  معتمه
ساعة  الوجع  كل  الملامح  قاتمه
شكل  الفرح  بقى  ضيف  عزيز
والجلد  كرمش  من  مرار  الإنتظار
والدم فار  م الاورده  بلغ  فرار
مالناش  نصيب  في  الإختيار
والقلب  مش  عارف  يعيش
رمينا  زهر  الآمنيات  طالبين  جوهار
وجالنا  شيش
ضاق  المدى  والدمع  أصبح  مستباح
وإزاي  نطير  من  غير  جناح
حتى  الصباح  اترسم  وهم  وخداع
مين  اللي  باع ..؟
وإزاي  يساع  الكون  قلب  اترعش  م الخوف
صوت  الدفوف  اتوشم  في  وداننا  موت
فتح  التابوت ، مستني آخر نبض
والجته  رافضه  الإنهزام
رافضه  طلوع  الروح

رافضه  طلوع  الروح
........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية