إشرب ياحزين .. بقلمي الفلاح الفصيح .. معوض حلمي

..........  إشرب ياحزين  ...........
..........................................

إحنا  اتنين 
ماحناش  واحد
وكمان  ضدين
في الفكر وفي المنظر
وهوانا  شمال  ويمين
والنسمه الطايره  لفين
مرسومه مابيني وبينك
مقسومه  بخط  احمر
ممنوع  اللمس ، 
وانا   أمري  بإيدي
وإيدك  في  كلبش
والعزه  وريدي
ووريدك  نبته  محلبش
وأبويا  النخوه
اللي  بتجري  ف دمي
لما  نصحني  خدها  فقيره
تعيش  مستور
وانا  عايش  وبقلب  جسور
ولأنك  عيره  بطبع  كسول
وطيت  ومضيت  على  شيك
هاتعيش  مأمور
والفرق  مابيني  وبينك
حد مابين الضلمه وبين النور
وانا بالنور فايض إحساسي
وأساسي  متين
وأساسك انا عارفه منين
والزمن أهو عدي مابين عمرين
لو تحسب عمري قبال عمرك
انا عمري اتعاش
وانا عالي الراس
وعمرك عدي بلاش
ومداس  ينداس
واشرب  ياحزين

وعمرك عدي بلاش
ومداس  ينداس
واشرب  ياحزين
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية