لكل بطه الإختيار .. بقلمي الفلاح الفصيح .. معوض حلمي

...........  لكل  بطه  الإختيار  ...........

..................................................

شوفت الطيور طالعين في رحله للقناطر
والفجر  صبح  ع  الزهور  والجو   عاطر
والمناظر  والهوا  آخر  .......... طراوه
والشقاوه  في  الطيور تسبي اللي ناظر

مشيت   وراهم  ،  شوفت  بطه ياحسنها
بين    الطيور    ماشيه   وبصه   لنفسها
كانت   دليل  ،  وعينيها  ............. دفه
ومشينا  زفه  وبإشاره  ............. منها

والطبع   غالب  في  الطيور  زي  البشر
والغيره   بانت  في  العيون  بس  بحذر
والهمس   داير   والكلام   عنك   ياورده
قالوا   شارده   وراح   تلاغي  ميت  دكر

غابت  شويه  عن  العيون  والهمس  زاد
والشك    سارح    والظنون   تهدم   بلاد
رجعت  تنادي  في الجموع  مين  يشتري
راح   نبيع   المفتري   في  أقرب  مزاد

والرحله  عايزه  الفرفشه  نحلم  ونسرح
ننسى   النوايا   الموحشه  نلعب  ونفرح
ولكل   بطه   الإختيار  ،   تختار   دكرها
يسكن في  دارها  ، وقلبها  بالود  يطرح

يسكن في  دارها  ، وقلبها  بالود  يطرح
................................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية