يحكى أن .. بقلمي الفلاح الفصيح .. معوض حلمي

سلسلة ساخرة
من عشرة مقاطع
..............................

...... ( يحكى  أن ) ......

..............................

....... ( تايهين ) .......

يحكى  ............... أن
الفوله ............. باينه
والحكاية  اللي .. مابينا
بين  ............... وبين
واقفه ............ حايره
دايره بينا  وسط  دايره
جوا ............... دايره
بتراضينا ..... بالمحايله
ماشيه  بينا  سنه  سنه
يحكى ................ أن

...... ( العويل ) ........

يحكى  ............... أن
الناس  .......... مصالح
والزمان  الماضي صالح
واللي آتي شكله  طالح
لما قلنا  البيت   بناسه
والعويل  مايل  أساسه
مهما يعلى وسط ناسه
برضه  .............  قله
والربايه الخايبه ... عله
فعل  فاضح .... منتهاه
والحياه  من  غيره جنه
يحكى ............... أن

..... (بياع الكلام ) .....

يحكي ............... أن
الواد  ............ تقاوي
كان ............. مخاوي
حمار  .......... حصاوي
ومعزه  .......... عاميه
واخوه  .......... قناوي
قالوا  ............. ناوي
يبيع   ........... غناوي
ويبقى  .......... حاوي
ويحكي  .......... حالنا
لما ................ ميلنا
يحكي  ............... أن

.... ( توب الطيبين ) ....

يحكى  ............... أن
كان  ............... زمان
نضحك   الضحكه   بأمان
كنا  نسرح  ..... بالحنان
كات معاني الحب ساميه
كات  عينين  الشر عاميه
في الغيطان خضره وميه
كات   قلوبنا   لسه  حيه
والتحيه  ........ بالقلوب
مش ........... بالرموش
ولبسنا .............. توب
الطيبيين    مابيجرحوش
كان   زمان   كنا    وكنا
يحكى ................. أن

..... (  الميراث  ) .....

يحكى ............... أن
العدل  ............ لاص
قام    يطالب  بالخلاص
قال ............. خلاص
الظلم  ............. ساد
زاد   وغطى   ع العباد
لما   جورنا  ع الميراث
واللي  زاد  العله   بله
لما   يفتي   فينا   قله
جهله   خادنا    للمذله
وارتضينا   العيبه  بينا
يحكى  ............. أن

... ( شاف فلوسها ) ...

يحكي  .............. أن
الواد ............. عويل
كان .............. طويل
زي  تيل  القطن  هيله
لما  شاف  البت   عيله
كات  كبيره  عنه   هنه
شاف  ........ فلوسها
جاتله  ............. جنه
رغم قطر  العمر  فاتها
وكان  .......... ناسيها
راح إليها يبوس  إيديها
وساق عليها أمه وابوه
لأجل  .......... ترضى 
يكون  ........ عريسها
وملك  .......... إيدها
يعيش  في ..... بيتها
لو  ............... بمنه
يحكي  ............. أن

... ( فلاح أراري ) ...

يحكى  ............. أن
الواد  .......... مطاوع
كان  ............ ملاوع
بس  زارع  أرضه  حنه
وقلبه  طارح  زي جنه
كنت عارفه لأنه  جاري
بس  كان  فلاح  أراري
طموحه  ......... عالي
كان  بيحلم  ... بالسفر
هايروح  .......... قطر
يركب  ............ همر
ويشيل ........ موبايل
.......... م الجالاكسي
عليه ...........  أغاني
الحلوه  ........ نانسي
وجت  ........ ناموسه
في عز  ......... نومه
تملى   .........  ودنه
بأحلى  ............ زنه
يحكى  ............. أن

....  (  الأندال  )  ....

يحكى  ............. أن
الطيبه ............. بينا
قالوا .............ماتت
لما ............... هونا
سيبنا للاندال مصيرنا
عاشوا ............ بينا
عابوا   فينا    وعيبونا
شيلونا  فوق  همومنا
ومدوا ناب الخسه لينا
جرحونا ........  بدلونا
طلعونا   من   هدومنا
يحكى  ............. ان

..... ( الناس طباع ) .....

يحكى  أن   الناس   طباع
ناس  ملايكه  وناس ضباع
واللي  شاري  الود  غالي
واللي  لابس   ميت  قناع
واللي داس على كل غالي
باالرخيص  حمل  .... وباع
راح وساب  حضن الغوالي
والخيانه  له  ......  شراع
مين  ياناس م الغلب خالي
دا  المرار   أصبح   مشاع
ليه  نصد  وليه .... نغالي
والخلاف  أخره ... الضياع
دا  اللي  ذاع  السر  خانا
واللي   عكر  صفو  يومنا
واللي  شاع  الفرقه  بينا
ليسوا  منا ..  ليسوا  منا
يحكى  أن ...... يحكى أن

.... ( كل الحكاوي ) ....

يحكي  ................. أن
يحكى  ................. إن
يحكى  ................ عنا
يحكى  ................ أين
يحكى  .............. ضعنا
يحكى  .............. بيعنا
كل   الحكاوي ...... مننا
كل   الحكاوي  ..... عننا
واحنا   اللي  ...... هونا
يحكى  ................ أن

يحكى  ................ أن
.............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية