............. ( الكلمة ) ............
.........................................
يامعشر الشعرا ياواحة التنوير
يالا نكتب حكم تدعو ...... للتغير
ونراعي بيها ظروفنا وننسى خوفنا
من حد يكرهنا أو حد .... بيغير
وجعنا غز الذنب ضعنا ...... سوا
وبإيه يفيد العتب قلب انكوي
قبل اما نجرح في القلوب نتعلم
الجرح لو علم مالهوش ...... دوا
حرفك عليل ياولد إيه اللي صابك
مش كنت زي الوتد عزم لصحابك
ماتقولي إيه غيرك نساك عوايدنا
هات لنا عيدنا رجع ..... وصالك
النيه لو عوجه بتزود الأوجاع
والكلمه مسروجه محتاجه لشراع
يوصل مراسيها ويعدي بيها النوه
عشان تزيد قوه وتغير الأوضاع
الكلمه زي الدهب بين محاسنها
عبيها جوا الكتب بعد أما توزنها
وخلي إسمك عليها آيه ومرايه
والخلق قرايه تغلي اللي يوزنها
الكلمه ممكن تصدى ويضيع بهاها
حاجي عليها وعدي ، سنفر صداها
إياك تخاصم وحي ......... إلهامها
وتسيب لجامها لشيطان غواها
الكلمه فاسك عزك ...... وناسك
باقيه بعدك ...... دهبك وماسك
دي موهبه ورب العباد وهبك
إرويها نهمك ونبض .... إحساسك
ياعم أصغر ناموسه بتغلب العنتيل
والحرف نور يسرج ضلام الليل
لو خدت بالك من حروفك أولي
راح تبني دوله بالحق مش تهليل
الميه والخضره سبب أصيل للرعي
سكة الشهره عايزه التعب والسعي
وكلمة التنوير تملى العقول بالنور
تفتح بيبان الدور وتنشر الوعي
وحلفت مااكتب كلمه ... مؤذيه
هاعمل حروفي جسر .. ومعديه
واقيم ع الجهل الف حد .... وحد
ادفن حالاته ف لحد وامشي ع النيه
وكلنا شعرا ولكل شاعر معني
الكلمه ترسم وطن بالحب يجمعنا
مد إيدك لإيدنا نلحم اللي إتشق
يكبر براح الحق ......... ويساعنا
الكلمه زي الوتد والخيمه محتاجه
تداري عيب الجسد من نظره غناجه
نلم بذر القيم ونبدره ف روحنا
يطرح نغم بوحنا بقصيده وهاجه
الحقد نار قايده والكلمه تطفيها
ليها ميت فايده سر الحياه فيها
(عيسى نبى ........ موسى نبي)
وسيدنا النبي زاين ...... معانيها
وسيدنا النبي زاين ...... معانيها
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
.........................................
يامعشر الشعرا ياواحة التنوير
يالا نكتب حكم تدعو ...... للتغير
ونراعي بيها ظروفنا وننسى خوفنا
من حد يكرهنا أو حد .... بيغير
وجعنا غز الذنب ضعنا ...... سوا
وبإيه يفيد العتب قلب انكوي
قبل اما نجرح في القلوب نتعلم
الجرح لو علم مالهوش ...... دوا
حرفك عليل ياولد إيه اللي صابك
مش كنت زي الوتد عزم لصحابك
ماتقولي إيه غيرك نساك عوايدنا
هات لنا عيدنا رجع ..... وصالك
النيه لو عوجه بتزود الأوجاع
والكلمه مسروجه محتاجه لشراع
يوصل مراسيها ويعدي بيها النوه
عشان تزيد قوه وتغير الأوضاع
الكلمه زي الدهب بين محاسنها
عبيها جوا الكتب بعد أما توزنها
وخلي إسمك عليها آيه ومرايه
والخلق قرايه تغلي اللي يوزنها
الكلمه ممكن تصدى ويضيع بهاها
حاجي عليها وعدي ، سنفر صداها
إياك تخاصم وحي ......... إلهامها
وتسيب لجامها لشيطان غواها
الكلمه فاسك عزك ...... وناسك
باقيه بعدك ...... دهبك وماسك
دي موهبه ورب العباد وهبك
إرويها نهمك ونبض .... إحساسك
ياعم أصغر ناموسه بتغلب العنتيل
والحرف نور يسرج ضلام الليل
لو خدت بالك من حروفك أولي
راح تبني دوله بالحق مش تهليل
الميه والخضره سبب أصيل للرعي
سكة الشهره عايزه التعب والسعي
وكلمة التنوير تملى العقول بالنور
تفتح بيبان الدور وتنشر الوعي
وحلفت مااكتب كلمه ... مؤذيه
هاعمل حروفي جسر .. ومعديه
واقيم ع الجهل الف حد .... وحد
ادفن حالاته ف لحد وامشي ع النيه
وكلنا شعرا ولكل شاعر معني
الكلمه ترسم وطن بالحب يجمعنا
مد إيدك لإيدنا نلحم اللي إتشق
يكبر براح الحق ......... ويساعنا
الكلمه زي الوتد والخيمه محتاجه
تداري عيب الجسد من نظره غناجه
نلم بذر القيم ونبدره ف روحنا
يطرح نغم بوحنا بقصيده وهاجه
الحقد نار قايده والكلمه تطفيها
ليها ميت فايده سر الحياه فيها
(عيسى نبى ........ موسى نبي)
وسيدنا النبي زاين ...... معانيها
وسيدنا النبي زاين ...... معانيها
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
