سنه فاتت .. بقلمي الفلاح الفصيح .. معوض حلمي

"   سنه  ..  فاتت   "

.........................
سنه جايه
وسنه فاتت ..
ناس جايه
وناس راحت ..

ناس  غدرت
وناس صانت ..

ناس  ع الود
متعاهده
وناس  خانت ..

ناس
ثابته  مبادئها
وناس  باعت ..

ناس ع الحب
متواعده
وناس  على
أصلها  بانت ..

ناس  تكفينا
ضحكتها
وناس  نتمنى
لو  غارت ..

ناس
تبدر  تقاويها
ف ثانيه  تموت  ..
وناس لو  حلفا
في  إيديها
تطرح  توت  ..

ناس  بتدوس
على  النعمه
لسانها  يلوك  ..
وناس  مفطومه
ع  العفه
تقولش  ملوك ..

ناس   بوش 
باشوش 
لكن  قلوبها 
حوش ..

وناس
مش  ناس ..
وناس  أغلي
من   الدهب
والماس   ..

وناس  تاليها ... الوفا
تموت ... وماتخونشي
وناس   ماليها   الجفا
تغدر  ... ماترحمشي

وناس   كلامها   شفا
وناس   كلامها    خل
مايحس   طعم   الدفا
غير اللي نام ف الطل

وناس  لسانها    أمان
وناس  لسانها   يلوك
والصاحب  اللي  صان
غير اللي عاش زعلوك

وناس   بتضحك   لكن
قلبها  ........ موجوع
وناس   وشها   داكن
المكر    فيه   مطبوع

وناس  تموت م الفرح
وناس   حزنها   بيشر
مايحس  باللي  انجرح
غير  اللي  داق   المر

وناس  القعده  وياها
ترد  ........... الروح
وناس  والله مكروهه
مكان  ....... ماتروح
.........................
بقلمي الفلاح الفصيح
معوض حلمي
منشأة بطاش
تمي الأمديد
دقهلية