................ وطاويط ................
..................................................
ركبت قطر الزحمه معايا عسكري بقايش
وجانبي ست بمشنه وجانبي الدقيق بايش
قدامي خلق متخانقه وهيصه ورايا م الخنقه
وشيخ مخنوق من الزنقه ماهوش عايش
أبص لفوق هوا مخنوق وبنت بدبله وغوايش
وابص لتحت خيبه وفحت ..... ع الرايش
بنضحك آه على نفوسنا قلة ....... حيله
وكلام بالتيله لاجل شويه ....... نتناغش
وكام بياع بيتزحموا على جيوبنا لكن فاضين
وكام أوجاع ماتعرفش دواها .. ..... فين
وكام عله وغطى حله وريش ..... بيطير
وجمع غفير صحيح عايشين لكن تايهين
وكام نايم وحلمه يطير ......... بصفاره
وتيجي محطه بعد محطه تصطادنا بسناره
ننزل تاره ، وننسى وشوفنا ... مطرحها
تصاحب روحها لآخر الرحله ..... محتاره
باب الدعا مقفول بالضبه ...... والمفتاح
والدعوه ليها أصول والنيه .... ع الفتاح
الأرض صبحت بور فضيت ...... حواصلنا
يارحمه بصي لنا ، حمل السواقي سفاح
سألت عمي قناوي عن نوع تقاوي نضيف
يمكن يعيد الغناوي ونعيش بقلب عفيف
قالي زمان الأرض كات لينا سنه وفرض
دلوقتي غاب الفرض والسنه مش ع الكيف
والزيف ملانا موت خلى القلوب رخوه
بنعبد السحتوت وبنلعن ......... النخوه
معادش لينا كبير ولا بير ....... يطمنا
غاب الوفا بينا ، من قسوة .... الأخوه
رضينا نعيش كما الوطاويط نخاف م النور
بعرق الغيط بنملي البيت دعا ... وبخور
ونعمل زار عشان مولودنا ركبه ... الجن
رفضت قلوبنا تحن ف ركبنا الشيطان بالدور
..................................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
..................................................
ركبت قطر الزحمه معايا عسكري بقايش
وجانبي ست بمشنه وجانبي الدقيق بايش
قدامي خلق متخانقه وهيصه ورايا م الخنقه
وشيخ مخنوق من الزنقه ماهوش عايش
أبص لفوق هوا مخنوق وبنت بدبله وغوايش
وابص لتحت خيبه وفحت ..... ع الرايش
بنضحك آه على نفوسنا قلة ....... حيله
وكلام بالتيله لاجل شويه ....... نتناغش
وكام بياع بيتزحموا على جيوبنا لكن فاضين
وكام أوجاع ماتعرفش دواها .. ..... فين
وكام عله وغطى حله وريش ..... بيطير
وجمع غفير صحيح عايشين لكن تايهين
وكام نايم وحلمه يطير ......... بصفاره
وتيجي محطه بعد محطه تصطادنا بسناره
ننزل تاره ، وننسى وشوفنا ... مطرحها
تصاحب روحها لآخر الرحله ..... محتاره
باب الدعا مقفول بالضبه ...... والمفتاح
والدعوه ليها أصول والنيه .... ع الفتاح
الأرض صبحت بور فضيت ...... حواصلنا
يارحمه بصي لنا ، حمل السواقي سفاح
سألت عمي قناوي عن نوع تقاوي نضيف
يمكن يعيد الغناوي ونعيش بقلب عفيف
قالي زمان الأرض كات لينا سنه وفرض
دلوقتي غاب الفرض والسنه مش ع الكيف
والزيف ملانا موت خلى القلوب رخوه
بنعبد السحتوت وبنلعن ......... النخوه
معادش لينا كبير ولا بير ....... يطمنا
غاب الوفا بينا ، من قسوة .... الأخوه
رضينا نعيش كما الوطاويط نخاف م النور
بعرق الغيط بنملي البيت دعا ... وبخور
ونعمل زار عشان مولودنا ركبه ... الجن
رفضت قلوبنا تحن ف ركبنا الشيطان بالدور
..................................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
