إحنا اللي بنحبها .. بقلمي الفلاح الفصيح .. معوض حلمي

....... إحنا اللي بنحبها  .......

....................................

إحنا   اللي    بنحبها
           ويانا  فين   مانروح
الضمه  من   حضنها
           بتدفي  برد   الروح
البوسه  من   خدها
           بلسم يداوي  جروح
دايما  تسيب   قلبها
           لولادها بيت  مفتوح
وسط البلاد  وصفها
           أجمل  ورود  الدوح
سألوني عن حسنها
           قلت  المعاني  تبوح
أثار    وتاه     عدها
           واهراماتها   صروح
والنيل يبوس أرضها
           يخضر   وش  صبوح
عزف  الوتر   لحنها
           تيجي الطيور وتروح
تملانا  من   سعدها
           نمسح  دموع  النوح
البدر    غار     منها
          بين  النجوم  مجروح
ومين  يخون  عهدها
          يحرم   علينا    يروح
إحنا   اللي    بنحبها
          ويانا   فين   مانروح
الضمه   من   حضنها
          بتدفي   برد   الروح
..................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية