انا مشتاق .. بقلمي الفلاح الفصيح .. معوض حلمي

......... انا  مشتاق  .........

................................
                      انا  مشتاق
انا  مشتاق  لبراحي في حدك
واغزل توب من نور على قدك
واجعل    كل     حياتك    عيد
وارسم  ورد  يفوح  على خدك
                      انا  مشتاق
أنا   مشتاق   لحنان    الضمه
زي   النور   مايشق   الضلمه
أنا   محتاج   للحضن    الدافي
حلمي يوافي في حضنك يامه
                       انا مشتاق
زي   النور   انا   طاير  بيكي
زي   النسمه  وسارح   فيكي
انا   فرحان    بوجودك  جنبي
إوعي   تخبي   عني  عينيكي
                      انا  مشتاق
انا   مشتاقلك   وانتي  معايا
وانتي  النسمه  وماليه هوايا
لما   باغمض   عيني   عليكي
باحلم   بيكي   ويحلى   غنايا
                      انا  مشتاق
انا  مشتاق  وماليني  الشوق
لما   باشوفك    بالي   يروق
وافرح   زي   غزال   متحني
أعزف   لحني   بخفه   وذوق
                      انا  مشتاق
انا  مشتاق   وماليش   اعذار
ياللي   عيونك  نور  في الدار
صوتك    فجر    وهل    نداه
جابلي    معاه    النور   دوار
                      انا  مشتاق
حنى  وزيدي   صبي  وعيدي
نبض  وريدي في قلبك  عيدي
قلبي   يساع   اوجاعك   يامه
زي  ماساع    قلبك   تنهيدي
                      انا  مشتاق
دعوة  قلبك   دهبي  وماسي
روح ياحبيب قلبي وإحساسي
تحلى  الدنيا  في ضي عينيك
ويلين  ليك  ،  القلب  الآسي
                   وانا  مشتاق
على  رجليكى  انا كنت بانام
لمس   إيديكي   يلم    حمام
لم    ولادي    ولم    حفيدي
أجمل شادي  في حجرك نام
                     انا  مشتاق
لما  كبرت   ودعبل   رمشي
عرفت إزاي عليتي ف عشي
كنتي تداري الدمعه ف قلبك
لاجل  ماشوفك يضحك وشي
                     انا  مشتاق
انا   مشتاق  والشوق  حراق
بعدك  يامه  انا  قولي  نفاق
كل   الحب   عشانك   شيلته
قلبي  قفلته   وعهدي  وثاق
                     انا  مشتاق
وادعي  يارب  تطول   أيامك
وابني  قصايد   من   إلهامك
كل  الشعرا  تغير من حرفي
يكمل وصفي  ويعلى مقامك
                     انا  مشتاق
..................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية