قلت تحيا .. بقلمي الفلاح الفصيح .. معوض حلمي

........  قلت  تحيا  .........

................................

قلت    تحيا    بلدنا   تحيا
قاللي  قولي إزاي هاتحيا
وسط   نوا   ودايره   بيها
واحنا  فيها  نعيش  ونحيا

قلت   بلدي    زي    روح
لما    مر    عليها     نوح
قال دي جنه  ورود ودوح
واحنا فيها  نعيش   ونحيا

وقال  إله   الكون  باريها
جوا      عينه      بيداريها
السلام     رفرف    عليها
واحنا  فيها  نعيش  ونحيا

رغم    شايله    م الهموم
شوفتها    شقه    الغيوم
لاجل   خيط  النور   يدوم
والاعادي تروح في داهيه
واحنا  فيها  نعيش  ونحيا

لسه  فيها  التوته  طارحه
والطيور  م الفجر  سارحه
والحواري   ملانه    فرحه
واحنا  فيها  نعيش  ونحيا

تبقى  عيدنا   واحنا  دينها
قالها سيدنا  رباط   وتينها
لم    ناسها  وشد   حيلها 
ع الزناد  سهرانه   صاحيه
واحنا  فيها  نعيش  ونحيا

دول  أسود والقلب  حامد
في  الشدايد شعب صامد
شد   حيله   وشد    جامد
صان حدودها ف كل ناحيه
واحنا  فيها  نعيش  ونحيا

قلت    تحيا    بلدنا   تحيا
قاللي قوللي إزاي هاتحيا
وسط   نوا   ودايره   بيها
واحنا  فيها  نعيش  ونحيا
...............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية