............. واي فاي ............
..........................................
ليه بيقولوا ان الموت بيفرق ل احباب
وان بعيد العين مالهوش في القلب عتاب
وانا طيفك بيصاحب طيفي ف أحلامي
باشوفك قدامي ولا حاسس منك بغياب
دانا سامع صوتك والله ياخال
وباقوم ملهوف على دقة إيدك
واجري على الباب
نفسي احكيلك واشكيلك من حاله مرار
والواد محروس سعداوي الفار
أهو بطل يزرع قيراطينه خضار
وشال تليفون سامسونج
ودخل واي فاي في الدار
بقى أكل ونومه وربى الكرش
وتختخ جدا جدا خالص
بقى زى الطحش
ونيجي ننادي عليه الصبح يقوم مايلحش
حتى البت سميعه التيس
هى كمان شالت تليفون
وبتدخل بيه ع الفيس
وكل ماتحبل بتنام على ضهرها حول
ماحنا زماننا عينيه ل اتنين بقوا حول
وقبل مايجي معاد الطلق
بتلم علينا جميع الخلق
وتلم عيال الدار ع النت
لاجل ينقوا معاها أسامي تليق للبت
سميعه التيس
وراجلها آمين محمود التيس
سموا مارينا ، مارينا التيس
والله ياخال العيشه بقت حيص بيص
من بعد ام الخير ، وام الهنا ، وام السعد
وحفيظه ، ومحفوظه ، ونعيمه ، وشهد
سمينا ولادنا أسامي العيبه
كارولينا ، و كاترينا ، ولينا
وآمين محمود التيس أهو سمى مارينا
شوفت ياخال الخيبه الوافيه
أسامينا معادتش بعافيه
طب فاكر عمي الصاوي
وولده حسين الصاوي
كان زي حمار الغيط وحصاوي
كان جن مخاوي بميت ناب
كان زي الحجر الداير ملطوط
سارح على لقمة عيشه وبياخد بالشلوط
ندهته نداهه وغاب
راح للبندر بقى بيه بواب
دلوقتي ياخال الحاله بوغاشه
الفلاح بقى زى الباشا
كهربنا سواقي بلدنا
معادتش سواقي زمان
غومه وناف ومدار دوار
وبهايم عمي عماشه
حتى الصفصاف اللي بيحاجي علينا ويرمي الضل
قطعناه ..
ومالينا قلوبنا السودا بغل
والترعه بقت قارعه من بعد عمار
وأراضي بلدنا الصاحيه الفجريه وملانه خضار
كات تفرح لما تشوف ناسها ، وناسها كتار
هجروها الناس وسابوها بوار
ماعادتش بتحضن ضي الشمس
ولا عاد الفول بيجيب نوار
ماعادتش بتحضن ضي الشمس
ولا عاد الفول بيجيب نوار
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
..........................................
ليه بيقولوا ان الموت بيفرق ل احباب
وان بعيد العين مالهوش في القلب عتاب
وانا طيفك بيصاحب طيفي ف أحلامي
باشوفك قدامي ولا حاسس منك بغياب
دانا سامع صوتك والله ياخال
وباقوم ملهوف على دقة إيدك
واجري على الباب
نفسي احكيلك واشكيلك من حاله مرار
والواد محروس سعداوي الفار
أهو بطل يزرع قيراطينه خضار
وشال تليفون سامسونج
ودخل واي فاي في الدار
بقى أكل ونومه وربى الكرش
وتختخ جدا جدا خالص
بقى زى الطحش
ونيجي ننادي عليه الصبح يقوم مايلحش
حتى البت سميعه التيس
هى كمان شالت تليفون
وبتدخل بيه ع الفيس
وكل ماتحبل بتنام على ضهرها حول
ماحنا زماننا عينيه ل اتنين بقوا حول
وقبل مايجي معاد الطلق
بتلم علينا جميع الخلق
وتلم عيال الدار ع النت
لاجل ينقوا معاها أسامي تليق للبت
سميعه التيس
وراجلها آمين محمود التيس
سموا مارينا ، مارينا التيس
والله ياخال العيشه بقت حيص بيص
من بعد ام الخير ، وام الهنا ، وام السعد
وحفيظه ، ومحفوظه ، ونعيمه ، وشهد
سمينا ولادنا أسامي العيبه
كارولينا ، و كاترينا ، ولينا
وآمين محمود التيس أهو سمى مارينا
شوفت ياخال الخيبه الوافيه
أسامينا معادتش بعافيه
طب فاكر عمي الصاوي
وولده حسين الصاوي
كان زي حمار الغيط وحصاوي
كان جن مخاوي بميت ناب
كان زي الحجر الداير ملطوط
سارح على لقمة عيشه وبياخد بالشلوط
ندهته نداهه وغاب
راح للبندر بقى بيه بواب
دلوقتي ياخال الحاله بوغاشه
الفلاح بقى زى الباشا
كهربنا سواقي بلدنا
معادتش سواقي زمان
غومه وناف ومدار دوار
وبهايم عمي عماشه
حتى الصفصاف اللي بيحاجي علينا ويرمي الضل
قطعناه ..
ومالينا قلوبنا السودا بغل
والترعه بقت قارعه من بعد عمار
وأراضي بلدنا الصاحيه الفجريه وملانه خضار
كات تفرح لما تشوف ناسها ، وناسها كتار
هجروها الناس وسابوها بوار
ماعادتش بتحضن ضي الشمس
ولا عاد الفول بيجيب نوار
ماعادتش بتحضن ضي الشمس
ولا عاد الفول بيجيب نوار
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
