...... السبل في الغيط ......
.....................................
أنا طبعي طبعك يابن حمده
لسه فيا النخوه جامده
وخلقي ضيق زي خلقك
وروحي زيك برضه حامده
كل الشوارع في البلد
حتى الحواري بتناديك
كل اللي شافك م البلد
أهو شافني فيك
بيقولوا ابوك دا كان أمير
وان صوتك زي صوته
واللي خلف رغم موته
عاش كتير
وانا قلت إنك لسه حي
لسه صوتك / مشيتك
لسه ريحة عفتك
جايبه لنا ضي
أبويا كان طيب قوي
كالنبع صافي
كان زي نسمه حنينه
ترمي العوافي
علمتني معنى الوفا
ماانتا اللي قلت
ان السبل في الغيط دفا
بيسد جوع الغلبانين
والمطحونين والمربوطين
تحت الأماني المقرفه
من غير علام ولا مدرسه
علمك طرح
كل اللي راحوا المدرسه
لبسوا الطرح
واقفين طابور النفنفه والتفتفه
بيغيروا منك
والسيره حكمه بتحكي عنك
ولا كانش شيئ في الكون يهمك
الموت ماكانش بيندهك
إنت اللي كنت بتندهه
ومستني صبر
ماانت اللي عشت سنين عفن
جهزت له رمل وكفن
وبنيت لروحك ألف قبر
لاجل يرتاح الضمير
وانا كنت باشوفك زي الطير
لما بتمشي بتمشي وراك عصافير
وخضار الأرض يزيد في خضاره كتير
لما بيسمع نغمة فاسك
كان يتمايل على أنفاسك
وانت أساسها وصبرك ساسها
سيبت الحكمة بتجري في دمي
لمت عيبي ودارت همي
قولت لي مره وقولك فرض
إن الأرض بتعشق ناسها
صلي الفرض وصون إحساسها
أرضك عرض
لو من دمك إروي يباسها
وانا ع العهد بابوس الخد
خد الأرض يابويا شقايق
طارح ورد في قلبي وشاقق
شاقق جدا
وجالي الصوت من قلبها يدن
قلب العاشقه
بيسأل عنك فين العاشق..؟
حتى حدادي الغيط تتهامس
فين الباشق ..؟
قلب السكه اتوحش همسك
سهمك راشق
راشق في ضمير الولد قناوي
راشق في جدايل شعر الصفصافه
المليانه حكاوي
راشق في عيون الساقيه
الدايره غناوي
ماانتا اللي بنيت البير /علمت الطير
ينطق لما يكون غاوي
والله بابويا انا هزني موتك
هد لي حيلي بخوف ملعون
كنت باشوف الكون في سكوتك
لما تغني يغني القلب
ولما بتسكت تسكت غلب
كنت بانام الليل موجوعك
حاسس موتك /لقمة قوتك
ماكانتش بتستر جوعك
كنت باحس بنبرة صوتك
وقت خشوعك
وأخر لقمه جايبها وجايلك
قولت لي قنعت
يومها أنا روحي سابتني وطلعت
طلعت مني
كنت تداري دموعك عني
وكنت باصدق غصبن عني
لاجل ماشوف الضحكه الزيف
وأصدق كيف / والكيف أوهام
وانا واقف على بابك حارس
كان حضنك بيلم حمام
وبرغم الضحكه الزيف
كان صوتك بيلم نوارس
.....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
.....................................
أنا طبعي طبعك يابن حمده
لسه فيا النخوه جامده
وخلقي ضيق زي خلقك
وروحي زيك برضه حامده
كل الشوارع في البلد
حتى الحواري بتناديك
كل اللي شافك م البلد
أهو شافني فيك
بيقولوا ابوك دا كان أمير
وان صوتك زي صوته
واللي خلف رغم موته
عاش كتير
وانا قلت إنك لسه حي
لسه صوتك / مشيتك
لسه ريحة عفتك
جايبه لنا ضي
أبويا كان طيب قوي
كالنبع صافي
كان زي نسمه حنينه
ترمي العوافي
علمتني معنى الوفا
ماانتا اللي قلت
ان السبل في الغيط دفا
بيسد جوع الغلبانين
والمطحونين والمربوطين
تحت الأماني المقرفه
من غير علام ولا مدرسه
علمك طرح
كل اللي راحوا المدرسه
لبسوا الطرح
واقفين طابور النفنفه والتفتفه
بيغيروا منك
والسيره حكمه بتحكي عنك
ولا كانش شيئ في الكون يهمك
الموت ماكانش بيندهك
إنت اللي كنت بتندهه
ومستني صبر
ماانت اللي عشت سنين عفن
جهزت له رمل وكفن
وبنيت لروحك ألف قبر
لاجل يرتاح الضمير
وانا كنت باشوفك زي الطير
لما بتمشي بتمشي وراك عصافير
وخضار الأرض يزيد في خضاره كتير
لما بيسمع نغمة فاسك
كان يتمايل على أنفاسك
وانت أساسها وصبرك ساسها
سيبت الحكمة بتجري في دمي
لمت عيبي ودارت همي
قولت لي مره وقولك فرض
إن الأرض بتعشق ناسها
صلي الفرض وصون إحساسها
أرضك عرض
لو من دمك إروي يباسها
وانا ع العهد بابوس الخد
خد الأرض يابويا شقايق
طارح ورد في قلبي وشاقق
شاقق جدا
وجالي الصوت من قلبها يدن
قلب العاشقه
بيسأل عنك فين العاشق..؟
حتى حدادي الغيط تتهامس
فين الباشق ..؟
قلب السكه اتوحش همسك
سهمك راشق
راشق في ضمير الولد قناوي
راشق في جدايل شعر الصفصافه
المليانه حكاوي
راشق في عيون الساقيه
الدايره غناوي
ماانتا اللي بنيت البير /علمت الطير
ينطق لما يكون غاوي
والله بابويا انا هزني موتك
هد لي حيلي بخوف ملعون
كنت باشوف الكون في سكوتك
لما تغني يغني القلب
ولما بتسكت تسكت غلب
كنت بانام الليل موجوعك
حاسس موتك /لقمة قوتك
ماكانتش بتستر جوعك
كنت باحس بنبرة صوتك
وقت خشوعك
وأخر لقمه جايبها وجايلك
قولت لي قنعت
يومها أنا روحي سابتني وطلعت
طلعت مني
كنت تداري دموعك عني
وكنت باصدق غصبن عني
لاجل ماشوف الضحكه الزيف
وأصدق كيف / والكيف أوهام
وانا واقف على بابك حارس
كان حضنك بيلم حمام
وبرغم الضحكه الزيف
كان صوتك بيلم نوارس
.....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
