.................. ولد الولد .................
...................................................
كيفك يامعوض ..
وكيف الحال ..
إياك ماكبرت ياواد وجيبت عيال
وامك كيفها
لساها بتمشي وتتعايق بالخلخال
سلم لي عليها والله اتوحشتها
قد براح الجرن والغيط الواسع
وقد السما والبحر
واطمن على ستك حمده
دايماً بتزورني وازورها
ماهو بيني وبينها يادوب كام قبر
باقولك ..
لسه الحاج شفيق بيجيك م الكفر
عشان يديك حقن الطرطير
ولسه حمام الدار في المقعد
بيجيب زغاليل تكبر وتطير
ولسه بهايمك دوم حلابه
لاجل ماتدوا الجار
وتراضوا غلابه
ولسه المندره مفتوحه
ولمه الرايح والجاي
وسيدنا الشيخ بيحود كل خميس
يقرا القرآن على روح الميت
لكن في قلوبكم حي
ولسه الدار بالطوب الني
والمسطبه قدامها اماره
لمه الناس وعيال الحاره
ولا سمعت لوذ شيطانك
قالك هد الدار
وابني مكانها ياولد عماره
لااجل تجوز فيها عيالك
شكله اتغير وش زمانك
وانت كمان شكلك نخيت
ولقيت الفكره مريحه
وان كان ولابد ولسه هاتبني
سيب لك من أجدادك ريحه
سيب القاعه القبليه
القاعه ام ناروزه ياواد
كنت باحس انها حباني
كات ع الكيف وهواها نضيف
تكييف رباني
كات في الشتا ولا حمل الصوف
كات في الصيف بتحاجي علينا
وتحول حر الشمس لضل
وتطري على عنينا
ماتقوليش كيف هوا بلطيم
ولاشط مارينا
كان يمري علينا ننام ع الأرض
وستك حمده تغطينا
لو حست بس شوية برد
كات تاخدك في حبابي عنيها
وتبوسك بوستين ع الخد
واقولها يامه الواد بيتدلع
تقول لي ومالو مايتدلع
مانا ياما زرعت عيونك ورد
ولد الولد ياولد حشايا
ساكن جوا خبايا الروح
نظرة عينه بتروي يباسي
ولمسة إيده تداوي جروح
فاسمع مني الحكمه صريحه
لو عايز حبل البركه يمد
قبل ماتنوي تهد بجد
سيب لك من أجدادك ريحه
قبل ماتنوي تهد بجد
سيب لك من أجدادك ريحه
....................................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
...................................................
كيفك يامعوض ..
وكيف الحال ..
إياك ماكبرت ياواد وجيبت عيال
وامك كيفها
لساها بتمشي وتتعايق بالخلخال
سلم لي عليها والله اتوحشتها
قد براح الجرن والغيط الواسع
وقد السما والبحر
واطمن على ستك حمده
دايماً بتزورني وازورها
ماهو بيني وبينها يادوب كام قبر
باقولك ..
لسه الحاج شفيق بيجيك م الكفر
عشان يديك حقن الطرطير
ولسه حمام الدار في المقعد
بيجيب زغاليل تكبر وتطير
ولسه بهايمك دوم حلابه
لاجل ماتدوا الجار
وتراضوا غلابه
ولسه المندره مفتوحه
ولمه الرايح والجاي
وسيدنا الشيخ بيحود كل خميس
يقرا القرآن على روح الميت
لكن في قلوبكم حي
ولسه الدار بالطوب الني
والمسطبه قدامها اماره
لمه الناس وعيال الحاره
ولا سمعت لوذ شيطانك
قالك هد الدار
وابني مكانها ياولد عماره
لااجل تجوز فيها عيالك
شكله اتغير وش زمانك
وانت كمان شكلك نخيت
ولقيت الفكره مريحه
وان كان ولابد ولسه هاتبني
سيب لك من أجدادك ريحه
سيب القاعه القبليه
القاعه ام ناروزه ياواد
كنت باحس انها حباني
كات ع الكيف وهواها نضيف
تكييف رباني
كات في الشتا ولا حمل الصوف
كات في الصيف بتحاجي علينا
وتحول حر الشمس لضل
وتطري على عنينا
ماتقوليش كيف هوا بلطيم
ولاشط مارينا
كان يمري علينا ننام ع الأرض
وستك حمده تغطينا
لو حست بس شوية برد
كات تاخدك في حبابي عنيها
وتبوسك بوستين ع الخد
واقولها يامه الواد بيتدلع
تقول لي ومالو مايتدلع
مانا ياما زرعت عيونك ورد
ولد الولد ياولد حشايا
ساكن جوا خبايا الروح
نظرة عينه بتروي يباسي
ولمسة إيده تداوي جروح
فاسمع مني الحكمه صريحه
لو عايز حبل البركه يمد
قبل ماتنوي تهد بجد
سيب لك من أجدادك ريحه
قبل ماتنوي تهد بجد
سيب لك من أجدادك ريحه
....................................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
