من ديوان .... .. إفرد النيه ......
.........................................
......... أبويا .. أبويا .........
........................................
أنا طبعي طبعك يابن حمده
لسه فيا النخوه جامده
وخلقي ضيق زي خلقك
وروحي زيك برضه حامده
كل الشوارع في البلد
زي الحواري بتناديك
كل اللي شافك م البلد
أهو شافني فيك
بيقولوا فيا من وسامتك /وابتسامتك
وان صمتي هو صمتك
وان ابوك دا كان أمير
وان صوتك زي صوته
واللي خلف رغم موته
عاش كتير
وانا قلت أبويا لسه حي
لسه سامع ندهتك
وبامشي أقلد مشيتك
ولسه ريحة عفتك
جايبه لنا ضي
علمتني معنى الوفا
ماانتا اللي قلت
ان السبل في الغيط دفا
بيسد جوع الغلبانين
والمطحونين والمربوطين
تحت الأماني المجحفه
من غير علام ولا مدرسه
علمك طرح
كل اللي راحوا المدرسه
لبسوا الطرح
واقفين طابور النفنفه والتفتفه
بيغيروا منك
والسيره غاليه بتحكي عنك
من صغر سنك/وانت عاشق للإله
كنت فارد ضحكتك ضله ف سماه
وتملي تضحك ع الحياه
مكانش شيئ في الكون يهمك
الموت ماكانش بيندهك
إنت اللي كنت بتندهه
ومستني صبر
ماانت اللي عشت سنين عفن
جهزت له رمل وكفن
وبنيت لروحك ألف قبر
لاجل يرتاح الضمير
وانا كنت باشوفك طاير طير
لما بتمشي /بتمشي وراك عصافير
وخضار الأرض /بيزيد في خضاره كتير
لما بيسمع نغمة فاسك
كان يتمايل على أنفاسك
وانت أساسها / وصبرك ساسها
سيبت الحكمه بتجري في دمي
لمت عيبي وداوت همي
قولت لي مره وقولك فرض
إن الأرض بتعشق ناسها
صلي الفرض وصون إحساسها
أرضك عرضك
لو من دمك إروي يباسها
وانا ع العهد بابوس الخد
خد الأرض يابويا شقايق
طارح ورد في روحي وشاقق
شاقق جدا /يدن قلبي الدايب جدا
وجالي الصوت
من قلبها يائس /يائس جدا
قلب العاشقه
بيسأل عنك فين العاشق..؟
حتى حدادي الغيط تتهامس
فين الباشق ..؟
قلب السكه اتوحش همسك
سهمك راشق /راشق جدا
راشق في ضمير الولد قناوي
راشق في جدايل شعر الصفصافه
المليانه حكاوي
راشق في عيون الساقيه
الدايره غناوي
ماانتا اللي بنيت البير
وانت اللي مليت المروى ضمير
علمت الطير ينطق / لما يكون غاوي
والله بابويا انا هزني موتك
هد لي حيلي بخوف ملعون
كنت باشوف الويل في سكوتك
لما تغني يغني القلب
ولما بتسكت تسكت غلب
كنت بانام الليل موجوعك
حاسس موتك /لقمة قوتك
ماعادتش بتشبع جوعك
كنت باحس بنبرة صوتك
وقت خشوعك /إيه موضوعك..؟
شوفت النور زايد على وشك
واللقمة معايا جايبها وجايلك/أقعد يابا
خدت بإيدك /إيدك سقعت
مالك يابا / مالك يابا
أقعد يابا وكولك لقمه
قولت لي قنعت/قنعت يابني
قنعت يابا / ياااااااه وجعت لي قلبي
دي أخر كلمه لستي ف يوم خارجتها قالتها وضحكت
ونفس الضحكه
شايفها في وشك /قنعت يابا
أهو قلبي اتبعتر زي صبابه /هايجنني
وروحي سابتني وطلعت /طلعت مني
كنت تداري دموعك عني
وكنت باصدق غصبن عني
لاجل ماشوف الضحكه الزيف
وأصدق كيف / والكيف أوهام
وانا شايلك في العين والنني
وبرغم الضحكه الزيف
حاسس وجعك / وبيألمني
وانا واقف على بابك حارس
كان حضنك بيلم حمام
كان صوتك بيلم نوارس
وانا من غيرك ناقص يابا
ناقص جدا
قوم كملني
قوم كملني
قوم كملني
.....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
.........................................
......... أبويا .. أبويا .........
........................................
أنا طبعي طبعك يابن حمده
لسه فيا النخوه جامده
وخلقي ضيق زي خلقك
وروحي زيك برضه حامده
كل الشوارع في البلد
زي الحواري بتناديك
كل اللي شافك م البلد
أهو شافني فيك
بيقولوا فيا من وسامتك /وابتسامتك
وان صمتي هو صمتك
وان ابوك دا كان أمير
وان صوتك زي صوته
واللي خلف رغم موته
عاش كتير
وانا قلت أبويا لسه حي
لسه سامع ندهتك
وبامشي أقلد مشيتك
ولسه ريحة عفتك
جايبه لنا ضي
علمتني معنى الوفا
ماانتا اللي قلت
ان السبل في الغيط دفا
بيسد جوع الغلبانين
والمطحونين والمربوطين
تحت الأماني المجحفه
من غير علام ولا مدرسه
علمك طرح
كل اللي راحوا المدرسه
لبسوا الطرح
واقفين طابور النفنفه والتفتفه
بيغيروا منك
والسيره غاليه بتحكي عنك
من صغر سنك/وانت عاشق للإله
كنت فارد ضحكتك ضله ف سماه
وتملي تضحك ع الحياه
مكانش شيئ في الكون يهمك
الموت ماكانش بيندهك
إنت اللي كنت بتندهه
ومستني صبر
ماانت اللي عشت سنين عفن
جهزت له رمل وكفن
وبنيت لروحك ألف قبر
لاجل يرتاح الضمير
وانا كنت باشوفك طاير طير
لما بتمشي /بتمشي وراك عصافير
وخضار الأرض /بيزيد في خضاره كتير
لما بيسمع نغمة فاسك
كان يتمايل على أنفاسك
وانت أساسها / وصبرك ساسها
سيبت الحكمه بتجري في دمي
لمت عيبي وداوت همي
قولت لي مره وقولك فرض
إن الأرض بتعشق ناسها
صلي الفرض وصون إحساسها
أرضك عرضك
لو من دمك إروي يباسها
وانا ع العهد بابوس الخد
خد الأرض يابويا شقايق
طارح ورد في روحي وشاقق
شاقق جدا /يدن قلبي الدايب جدا
وجالي الصوت
من قلبها يائس /يائس جدا
قلب العاشقه
بيسأل عنك فين العاشق..؟
حتى حدادي الغيط تتهامس
فين الباشق ..؟
قلب السكه اتوحش همسك
سهمك راشق /راشق جدا
راشق في ضمير الولد قناوي
راشق في جدايل شعر الصفصافه
المليانه حكاوي
راشق في عيون الساقيه
الدايره غناوي
ماانتا اللي بنيت البير
وانت اللي مليت المروى ضمير
علمت الطير ينطق / لما يكون غاوي
والله بابويا انا هزني موتك
هد لي حيلي بخوف ملعون
كنت باشوف الويل في سكوتك
لما تغني يغني القلب
ولما بتسكت تسكت غلب
كنت بانام الليل موجوعك
حاسس موتك /لقمة قوتك
ماعادتش بتشبع جوعك
كنت باحس بنبرة صوتك
وقت خشوعك /إيه موضوعك..؟
شوفت النور زايد على وشك
واللقمة معايا جايبها وجايلك/أقعد يابا
خدت بإيدك /إيدك سقعت
مالك يابا / مالك يابا
أقعد يابا وكولك لقمه
قولت لي قنعت/قنعت يابني
قنعت يابا / ياااااااه وجعت لي قلبي
دي أخر كلمه لستي ف يوم خارجتها قالتها وضحكت
ونفس الضحكه
شايفها في وشك /قنعت يابا
أهو قلبي اتبعتر زي صبابه /هايجنني
وروحي سابتني وطلعت /طلعت مني
كنت تداري دموعك عني
وكنت باصدق غصبن عني
لاجل ماشوف الضحكه الزيف
وأصدق كيف / والكيف أوهام
وانا شايلك في العين والنني
وبرغم الضحكه الزيف
حاسس وجعك / وبيألمني
وانا واقف على بابك حارس
كان حضنك بيلم حمام
كان صوتك بيلم نوارس
وانا من غيرك ناقص يابا
ناقص جدا
قوم كملني
قوم كملني
قوم كملني
.....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
