التوته .. بقلمي الفلاح الفصيح .. معوض حلمي

..... ""   التوته    "".....

................................
 
حلمت  ان  انا  ف حدك
هاشوف  حسنك
واشوف  قدك   
والآقي  الشمس
متحنية  من  كدك 
ومين  يقدر  يشوف  خدك 
ويقولك  دا  زي  الورد 
ولون  الورد  من  خدك
وقلبك  بيسقيه  شهد 
فيطرح  نور
وتدور النجمه  حواليكي
ياقمرايه 
وسارحه  ف سمايا 
رسمتك  فرحه  جوايا 
لعمري  الجاي 
ليه  روحتي  وخدتي  الضي 
وسيبتي  جرحي  والأهات
 دا  الزمان  الباقي  منك
ذكريات 
والذكريات  الباقيه  منك
شيئ  بديع 
تملى  تيجي  بالفرح
زي  الربيع
كل  اما  اروح  للتوته  وحدي 
ألآقيها  تحكي  بصوت  وديع 
عن  حكاوينا  القديمه 
وشاهده  على  لمسة  إيدينا 
والآقيها  تسرح  ف الخيال 
زي  ما تسرح  عينينا 
لساكي  برضه  ياتوته  واقفه 
تحكي  عنا 
فاكره  تنهيدة  قلوبنا
وقد  إيه  م العشق  دوبنا 
لساكي  برضه  ياتوته  واقفه 
تحلمي  بلحظة  رجوعنا
بعد  ماتاهت  دروبنا 
وتعبت  خطاوينا  وضعنا

وتعبت  خطاوينا  وضعنا
..............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية