لما القلوب بتسامح .. بقلمي .. معوض حلمي

( لما القلوب بتسامح )

~~~~~~~~~~~~~

الصبر  مل  من   الوجع
والظلم    طعمه    مرير
وانا  اللي  راجل   جدع
قلبي     لعيوبهم    بير

ياصبر  خود  لك  مرتجع
أصبر على جور القرايب
حبل  المودة  لو  اتقطع
سهم العدا للقلب  صايب

بحر الدموع  لو  سايح
ممكن   بضحكة   يجف
لما   القلوب   بتسامح
جرح    الأسية    يخف

عشان   مازرعك  يزيد
يحتاج  لغالي  التقاوي
دا البيت  ببابه   الحديد
تهابه  لصوص  الليالي

إياك    تغير     مبادئك
وتنسى  أصلك   تضيع
وتبيع   ودادك  وعهدك
يفرح  ف ميلك  وضيع

واضحك  وفرح  حبايبك
إكتم    جراحك   داريها
واصنع  فرحهم  بدمعك
لملم   جراحهم   داويها

مهما  جرحوا  ف قلبك
سامح   بطيبك  لاقيهم
إمشي  مآمن ف دربك
ربك   بعدله   يجازيهم

ربك   بعدله   يجازيهم
~~~~~~~~~~~~~
بقلمي  ..
معوض حلمي
منشأة بطاش
تمي الأمديد
دقهلية