حبيبي هقولك .. بقلمي .. معوض حلمي

( مربعاتي . . حياتي  )
___________________

(  حبيبي   هقولك  )
___________________

حبيبي   هقولك   سري   الكبير
هغمض   عيوني   واحلم  باطير
واجيلك بحيرتي  تطمن  ظنوني
تاخدني  ف حنانك  واحبك  كتير

حبيبي    هقولك    لأنك    أمير
ولأني    بأمرك    مكبل   أسير
فبارجو سعادتك تطلق  سراحي
وسيبني ف براحك أسرح واطير

حبيبي  هقولك  حكايتي بضمير
بحبك    نديمي   واحبك   سمير
تسهر   معايا   وتحضن   هوايا
ونجمة    سمايا     منك    تغير

حبيبي   هقولك    لأنك   خطير
ياأجمل  سعاده  لقلبي الصغير
ضحكة   عيونك   نبضة  وريدي
شايلك  لعيدي  وفرحي  الكبير
________________
بقلمي  ........
معوض حلمي
منشأة بطاش
تمي الأمديد
دقهلية