( بيبان قلبك ).. بقلمي .. معوض حلمي

(  بيبان  قلبك  )
_______________

صباح  الخير  على قلبك
في   وسط  الخلق لمانا

رسول  الله  رفع  قدرك
وشهادته  عايشه   جوانا

ياواخدانا   على   صدرك
برضعة    نيل    ورويانا

ومين  يقدر  يسيب حدك
ياأجمل  كلمه  في  غنانا

ياست الحسن  مين  زيك
ياضي   العين  وسحرانا

برغم الدمعه  على خدك
ومدا    إيديكي    ضمانا

ونبض القلب  من  نبضك
وفاردا   شراع   وحميانا

ياساكنه  جوا  عين  ربك
يانعمه    ونايمه    جوانا

يافاتحلنا   بيبان    قلبك
وشدا   الخيط   ولضمانا

وزرعالنا  الطريق  ضيك
وعزمك ضله  ..... جوانا

وطارحه الفل ف سنابلك
فيرمي العطر في هوانا

وانا  الفلاح  أسير  حبك
فصيح  والكلمه  عشقانا

حروف  الشعر توصفلك
مشاعر    حب     مليانا

وتجري  هيام   وتكتبلك
قصايد   عشق    سكنانا

صباح  الخير  على قلبك
في  وسط  الخلق  لمانا

رسول  الله رفع  قدرك
وشهادته  عايشه  جوانا
_______________
بقلمي ........
معوض حلمي
منشأة بطاش
تمي الأمديد
دقهلية