إختلف ويايا .. بقلمي .. معوض حلمي

(   إختلف   ويايا   )

_____________________

إختلف   ويايا   مادام  للحق  حافز
وانا  ل طريق  الشر  أبدا  ماراكب
جرب نقاش  العقل تلقى الكل فايز
وشوف خلاف الجهل بيغرق مراكب
إيدي  في   إيدك  نهدم  كل  حاجز
بناه  شيطان  الغل   وعلينا  راكب

إختلف  ويايا   وقرب  مني   باع
واياك  تزيد  البعد  يطرح قساوه
أصل المحبه بالرضا مش بالدراع
سكتنا  لو صعبه نمشيها  بهداوه
والرحله   نطويها  والخير شراع
ونشوفها صفصافه  تطرح طراوه

إختلف   ويايا   وقرب  مني  حبه
وراعي    زرعتك   خليك    صبور
جرح   الأسيه  يتلحم  لو  بالمحبه
والحبه بيموت جدرها والأرض بور
والخير  حصاده يتقسم بين الأحبه
ويدوم وصاله بالهنا لو في القبور
_____________________
بقلمي  .........
معوض حلمي
منشأة بطاش
تمي الأمديد
دقهلية