حبل الوداد .. بقلمي الفلاح الفصيح .. معوض حلمي

( حبل الوداد  )

______________

يابن بلدي  ..
ليه مصمم ع الخيانة  ..
ليه تبيعها  ..
 ليه  تخليني  أعاني
كنت فاكرك زيي منها
كنت فاكرك طرح نيلها
فجأة شوفتك حد تاني
حد كاره لون سمارها
حد  مستني  الإشارة
وبمهارة  يبيع  ترابها
حد  مفتحش   الكتاب
حس بيها وعاش عذابها
والأمهات بدموع عنيها
 وضت  ولادها  للجهاد
والنيل بيجري ف البلاد
شايل معاه حلم  الولاد
يروي الأراضي والعباد
تطرح فرح تطرح غناوي
وجاي الولد بالفرح ناوي
يكتب  كتاب  ست البنات
والزرع دايما خيره وافي
 جاي  حصاده   بالميعاد
واللي زاد حيرتي وناري
إنتوا  ليه  زايدين  عناد
 هتوصلونا  لحد  فين
قطعتوا ليه حبل الوداد
عايشين  مابينا خوانين
كدابين  والكدب  زاد
كارهينها ليه ومفرقين
ورضعتوا الأسى
من صدر مين
ومصر دين
مصرنا طهر وعباده
ف قلوب ولادها الطيبيين

مصرنا طهر وعباده
ف قلوب ولادها الطيبيين
________________
بقلمي الفلاح الفصيح
معوض حلمي
منشأة بطاش
تمي الأمديد
دقهلية